Almaty qalasy mańynda ushaq apatyna bailanysty Fokker 100 ushaqtaryn paidalanýǵa ýaqytsha tyiym salyndy. Bul týraly Ortalyq kommýnikatsiialar qyzmetiniń resmi ókili Álibek Ábdilov aitty, dep habarlaidy "Ult aqparat".
«27 jeltoqsan saǵat 07-22-de «Bek Eir» áýe kompaniiasynyń Almaty-Nur-Sultan baǵytyndaǵy nómiri 2100 reisin oryndaǵan Fokker-100 ushaǵy Talǵar aýdanyndaǵy turǵyn úi alabyna qulady. Atalǵan ushaq beton qorshaýdy buzyp, 2 qabatty nysanǵa soǵylǵan. Jedel túrde qutqarý jumystary bastaldy. Órt shyqqan joq. Jolaýshylar men ekipaj múshelerin evakýatsiialaý jumystary júrgizildi. Ushaqqta 95 jolaýshy jáne 5 ekipaj múshesi bolǵan. Aldyn ala málimetter boiynsha qaza bolǵandar sany - qazirgi ýaqyta 15 adam. QR Prezidentiniń tapsyrmasy boiynsha Premer-Ministr basqaratyn komissiia quryldy. Komissiia quramynda QR Indýstriiajáne infraqurylymdyq damý ministri, basqa da memlekettik organdardyń ókilderi kirdi. Komissiia oqiǵa ornyna ushyp ketti. Oqiǵanyń mán-jaiy anyqtalǵansha bul tiptegi ushaqtardyń qoldanylýy ýaqytsha toqtatyldy», - dedi ol.
Onyń atap ótýinshe, jedel qyzmet etý shtaby qurylyp, shuǵyl jeli jumys istep tur: 8 (7172) 53-32-84, Almaty oblystyq TJD - 8 (7282) 22-02-13, 22-02-18 Nur-Sultan qalalyq TJD - 8 (7172) 24-52-12, 24- 51-71, 24- 51- 47
«Oqiǵa ornynda qutqarýshylar, meditsina qyzmetkerleri, quqyq organdarynyń qyzmetkerleri jumys jasap jatyr», - dedi ol.
