Bortserikter jaraqat alǵan jolaýshyǵa mailyq pen sýyq qańyltyrly bótelkeni usynǵan.
Áýe kompaniiasynyń habarlaýynsha, Astana – Shymkent KS7328 reisiniń qonýy barysynda jolaýshylardyń ushaqtan shyǵýyna daiyndyq kezinde, jolaýshylardyń biriniń tarapynan kelesi jolaýshyǵa kómek kórsetý týraly ótinish túsken.
"Bortserikter jolaýshyǵa mailyq pen sýyq qańyltyrly bótelkeni usyndy. Sodan keiin, protsedýraǵa sáikes, bortta meditsinalyq bilimi bar jolaýshylardy izdeý týraly habarlandy jáne áýe kemesiniń komandirine habar berip, dáriger shaqyrýy suraldy. Osy mezette meditsinalyq bilimi bar jolaýshylardyń biri jaýap berdi, sonymen qatar ushaq baspaldaǵy jalǵanyp, qonýdan keiingi tiisti protsedýralaryn aiaqtaǵannan keiin bortserikter áýejai qyzmetkerlerine bolǵan jai týraly jedel habarlap, bilikti meditsinalyq qyzmetkerlerdi surady. Alaida, ushaqtan túsirý kezinde jolaýshy dárigerlerdi kútpesten borttan shyǵyp ketti", – delingen resmi habarlamada.
Sondai-aq, áýe kompaniiasy Láilá Sultanqyzynyń "Ne aptechka, ne muz, ne sýyq zat, ne qan toqtatyn, ne salfetka joq" degen aiyptaýyna da qatysty jaýap berdi:
"Aita ketetin jait, ekipaj tarapynan bortta alǵashqy meditsinalyq kómek qobdishasy joq ekendigi týraly aqparat bolǵan joq. Sondai-aq, bizdiń ushaqtyń bortynda belgilengen standarttarǵa sáikes jabdyqtalǵan alǵashqy meditsinalyq kómek qobdishalarynyń úsh túri bar ekenin eske salǵymyz keledi. Atalǵan jolaýshyǵa qatysty bilikti meditsinalyq qyzmetkerlerdi izdeý jáne shaqyrý boiynsha alǵashqy meditsinalyq kómek kórsetildi. Alaida jolaýshy dárigerlerdi kútýden bas tartty".
