Foto: ashyq derekkóz
Almaty qalasynyń áýe kóligi prokýratýrasynyń aralasýynan keiin FlyArystan áýe kompaniiasy qol júginde duty free dúkenderinen alynǵan taýarlardy tasymaldaý qaǵidalaryn jańartty, dep habarlaidy Ult.kz.
Tekserý barysynda áýe kompaniiasynyń burynǵy shekteýleri zań talaptaryna qaishy ekeni anyqtalǵan. Prokýrorlyq qadaǵalaý aktisiniń nátijesinde FlyArystan óz ishki erejelerin qaita qarap, túzetýler engizdi.
Jańartylǵan tártipke sáikes, 2025 jylǵy 1 qazannan bastap halyqaralyq reisterdiń jolaýshylary duty free dúkenderinen satyp alynǵan taýarlardy qol júginde tegin alyp óte alady. Qaǵidalardyń tolyq mátini kompaniianyń resmi saitynda jariialandy.
Prokýratýra ókilderi bul ózgerister zańnamany biryńǵai qoldanýǵa, jolaýshylar úshin túsinikti jaǵdai qalyptastyrýǵa jáne áýe kompaniiasy qyzmetiniń ashyqtyǵyn arttyrýǵa yqpal etetinin atap ótti.
