Sýret: twitter.com/FitchRatings
Fitch Ratings halyqaralyq reiting agenttigi Qazaqstannyń táýelsiz kredittik reitingin «BBB» deńgeiinde rastady, boljam — «turaqty». Bul jaiynda Ulttyq ekonomika ministrliginen habarlandy.
Elimizdiń reitingin qoldaityn negizgi faktorlardyń qataryna — eleýli syrtqy býferler, shetel valiýtasyndaǵy rezervter, turaqty fiskaldyq jaǵdai, memlekettik qaryzdyń tómen deńgeii, sondai-aq syrtqy táýekelderge ortasha áser etý enip otyr.
Fitch Ratings sarapshylary valiýtalyq rezervterdiń odan ári nyǵaiýyn, sondai-aq importtyń qalypty ósýi jáne munai óndirý men eksport kóleminiń ulǵaiýy aiasynda aǵymdaǵy shot tapshylyǵynyń qysqarýyn boljaýda.
Fitch pikirinshe, biýdjet shyǵystarynyń ósýin shekteitin jańa fiskaldyq erejeler jáne Qazaqstannyń Ulttyq qorynan kepildendirilgen transfert salyq-biýdjet saiasatyn nyǵaitýǵa tiis.
Buǵan qosa, Fitch qaitalama sanktsiialardy engizýdiń salystyrmaly túrde tómen táýekelderin jáne olardyń Qazaqstan ekonomikasyna áserin atap ótti.
