«Fitch Ratings» reiting agenttigi Qazaqstannyń táýelsiz kredittik reitingin «Turaqty» boljamymen «BBB» deńgeiinde rastady. Bul týraly Ulttyq Ekonomika ministrligi habarlady.
Agenttiktiń pikirinshe, Qazaqstannyń reitingi el ekonomikasynyń shikizat baǵasynyń aýytqýymen, jinaqtalǵan kiristerden kórinetin biýdjettik turaqtylyǵyn kórsetedi. Reitingtik agenttik munai baǵasyna jáne koronavirýstyq indettiń taralýyna bailanysty bolǵan
kúizelisterge qaramastan, elde syrtqy kúizelisterdi jumsartýǵa jetkilikti memlekettik qaryzdyń jáne biýdjettik rezervtiń aitarlyqtai tómen deńgeiiniń saqtalýda ekenin atap ótedi.
Reitingtik agenttiktiń habarlaýynsha, Úkimettiń biznes pen úi sharýashylyqtaryn qoldaý boiynsha qabyldaǵan daǵdarysqa qarsy sharalary eldiń ekonomikalyq ósýine teris áserdi ishinara qalpyna keltirgen.
«Fitch Ratings» atap ótkendei, Ulttyq Banktiń ózgermeli aiyrbastaý baǵamy saiasaty kúizelisterdi absorbtsiialaýǵa múmkindik berdi, al teńgeniń aiyrbastaý baǵamynyń ikemdiligi 2014-2015 jyldary munai baǵasy quldyraǵannan beri ekonomikalyq saiasat tetiginiń eleýli jaqsarýyna kepil boldy.
«Fitch Ratings» memlekettiń ekonomikalyq baǵytyn kúsheitetin jáne ekonomikalyq saiasattyń boljamdylyǵy men tiimdiligin kúsheitý úshin institýtsionaldyq daiyndyq deńgeiin joǵarylatatyn qurylymdyq reformalardyń sátti júzege asyrylýyn Qazaqstannyń táýelsiz kredittik reitingin odan ári joǵarylatýdaǵy negizgi faktor retinde kórsetedi. Sonymen qatar reiting agenttigi ekonomikany ártaraptandyrý men eldiń fiskaldyq rezervterin odan ári qalyptastyrýdyń mańyzdylyǵyna nazar aýdarady.
Aǵymdaǵy jylǵy 9 naýryzdan bastap «Fitch Ratings» kredit reitingterin jaǵymsyz jaqqa qarai jáne qamtyǵan elderiniń 60%-ten astamynyń boljamyn birge qaita qarastyrdy. Onyń qatarynda AQSh, Kanada, Japoniia, Ulybritaniia, Frantsiia, Italiia, Meksika, Malaiziia, Braziliia, Chili, Armeniia, Ázerbaijan men Grýziia bar.
