Qazaqstandyq boksshy Firýza Sháripovanyń (12-1, 6 KO) búgin Qazan qalasynda ótetin týrnirde kimmen jekpe-jekke shyǵatyny anyqtaldy, dep habarlaidy Sports.kz saity.
Áý basta ol Olimpiadanyń kúmis júldegeri, reseilik Sofia Ochigovamen (4-0, 1 KO) kezdesedi dep kútilgen. Alaida bul joly ekeýi sharshy alańǵa shyqpaidy. Onyń jańa qarsylasy - reseilik Iýliia Chernoborodovaia (0-1).
Firýza Sháripova óziniń sońǵy aiqasyn 2020 jyldyń qazan aiynda ótkizdi. Ol ádilqazylar sheshimimen Sara Marianovichti (7-8, 3 KO) jeńgen bolatyn.
Aita keteiik, Sháripov Iýliia Chernoborodovaiamen buǵan deiin de jekpe-jekke shyqqan. 2017 jyly qazaqstandyq boksshy reseilik qarsylasyn utqan bolatyn.
Kásibi boks týrniri búgin, 3 sáýirde Qazan qalasyndaǵy «Basket holl» arenasynda ótedi. Jarysta 5 belbeý sarapqa salynady.
