قازاقستاندىق بوكسشى فيرۋزا شەرٸپوۆانىڭ (12-1, 6 كو) بٷگٸن قازان قالاسىندا ٶتەتٸن تۋرنيردە كٸممەن جەكپە-جەككە شىعاتىنى انىقتالدى, دەپ حابارلايدى Sports.kz سايتى.
ەۋ باستا ول وليمپيادانىڭ كٷمٸس جٷلدەگەرٸ, رەسەيلٸك سوفيا وچيگوۆامەن (4-0, 1 كو) كەزدەسەدٸ دەپ كٷتٸلگەن. الايدا بۇل جولى ەكەۋٸ شارشى الاڭعا شىقپايدى. ونىڭ جاڭا قارسىلاسى - رەسەيلٸك يۋلييا چەرنوبورودوۆايا (0-1).
فيرۋزا شەرٸپوۆا ٶزٸنٸڭ سوڭعى ايقاسىن 2020 جىلدىڭ قازان ايىندا ٶتكٸزدٸ. ول ەدٸلقازىلار شەشٸمٸمەن سارا ماريانوۆيچتٸ (7-8, 3 كو) جەڭگەن بولاتىن.
ايتا كەتەيٸك, شەرٸپوۆ يۋلييا چەرنوبورودوۆايامەن بۇعان دەيٸن دە جەكپە-جەككە شىققان. 2017 جىلى قازاقستاندىق بوكسشى رەسەيلٸك قارسىلاسىن ۇتقان بولاتىن.
كەسٸبي بوكس تۋرنيرٸ بٷگٸن, 3 سەۋٸردە قازان قالاسىنداعى «باسكەت حولل» ارەناسىندا ٶتەدٸ. جارىستا 5 بەلبەۋ ساراپقا سالىنادى.
