Firýza Sháripovanyń menedjeri Sergei Zavileiskii álemniń absoliýtti chempiony Keti Teilormen ótken jekpe-jekten keiin boksshynyń aldaǵy josparlarymen bólisti, dep habarlaidy QazAqparat Sports.kz saityna silteme jasap.
«Biz revansh uiymdastyrýdy josparlap otyrmyz. Sondai-aq Sofia Ochigavamen jekpe-jek ótkizýdi qarastyrýdamyz. Firýza úlken aiqastardy qalap otyr. Ol myqty qarsylastarmen bokstasýǵa laiyqty ekenin kórsete bildi. Búginde jeńil salmaqtaǵy úzdikter – Keti Teilor men Sofia Ochigava.
Teilordyń revansh ótkizýge ońailyqpen kelise qoimaityny túsinikti, sebebi munyń qanshalyqty qaýipti ekenin túsinip otyr. Ketidiń komandasy da bizdi laiyqty baǵalai aldy. Qazirgi kezde biz Teilordyń Firýzadan qorǵanýyn mindetteitin nusqany tańdap otyrmyz.
Firýza kelesi jekpe-jegin kóktemde ótkizedi dep oilaimyz. Ázirge josparda – demalý. Keshe ǵana Reseige qaityp keldik. Aldaǵy kúnderi Firýza úiine, Qazaqstanǵa ketedi. Firýza Teilordyń onyń basyna salǵan soqqylarynan keiin tigisteri sheshilgen soń, kelesi jekpe-jekke daiyndala bastaimyz», - dep baiandady S.Zavileiskii.
