فيرۋزا شەرٸپوۆانىڭ مەنەدجەرٸ سەرگەي زاۆيلەيسكيي ەلەمنٸڭ ابسوليۋتتٸ چەمپيونى كەتي تەيلورمەن ٶتكەن جەكپە-جەكتەن كەيٸن بوكسشىنىڭ الداعى جوسپارلارىمەن بٶلٸستٸ, دەپ حابارلايدى قازاقپارات Sports.kz سايتىنا سٸلتەمە جاساپ.
«بٸز رەۆانش ۇيىمداستىرۋدى جوسپارلاپ وتىرمىز. سونداي-اق سوفيا وچيگاۆامەن جەكپە-جەك ٶتكٸزۋدٸ قاراستىرۋدامىز. فيرۋزا ٷلكەن ايقاستاردى قالاپ وتىر. ول مىقتى قارسىلاستارمەن بوكستاسۋعا لايىقتى ەكەنٸن كٶرسەتە بٸلدٸ. بٷگٸندە جەڭٸل سالماقتاعى ٷزدٸكتەر – كەتي تەيلور مەن سوفيا وچيگاۆا.
تەيلوردىڭ رەۆانش ٶتكٸزۋگە وڭايلىقپەن كەلٸسە قويمايتىنى تٷسٸنٸكتٸ, سەبەبٸ مۇنىڭ قانشالىقتى قاۋٸپتٸ ەكەنٸن تٷسٸنٸپ وتىر. كەتيدٸڭ كومانداسى دا بٸزدٸ لايىقتى باعالاي الدى. قازٸرگٸ كەزدە بٸز تەيلوردىڭ فيرۋزادان قورعانۋىن مٸندەتتەيتٸن نۇسقانى تاڭداپ وتىرمىز.
فيرۋزا كەلەسٸ جەكپە-جەگٸن كٶكتەمدە ٶتكٸزەدٸ دەپ ويلايمىز. ەزٸرگە جوسپاردا – دەمالۋ. كەشە عانا رەسەيگە قايتىپ كەلدٸك. الداعى كٷندەرٸ فيرۋزا ٷيٸنە, قازاقستانعا كەتەدٸ. فيرۋزا تەيلوردىڭ ونىڭ باسىنا سالعان سوققىلارىنان كەيٸن تٸگٸستەرٸ شەشٸلگەن سوڭ, كەلەسٸ جەكپە-جەككە دايىندالا باستايمىز», - دەپ باياندادى س.زاۆيلەيسكيي.
