Finliandiiada Memleket basshysy saparynyń qorytyndysy boiynsha $545 mln somasyna 23 kelisimge qol qoiyldy, dep habarlaidy "Ult aqparat" primeminister.kz portalyna silteme jasap.
16-17 qazanda QR Prezidenti Nursultan Nazarbaev Finliandiia Respýblikasyna resmi saparmen bardy. «Kazakh Invest» UK Memleket basshysynyń sapary aiasynda qazaqstandyq-findik iskerlik qabyldaý uiymdastyrdy. Shara qorytyndysy boiynsha $545 mln somasyna 20-dan astam kommertsiialyq jáne kommertsiialyq emes qujatqa qol qoiyldy.
Qazaqstandyq-findik iskerlik qabyldaý barysynda eki eldiń biznesmenderi tikelei bailanysty retteý jáne naqty ýaǵdalastyqtarǵa qol jetkizý múmkindigine ie boldy. Sonymen, qabyldaý aiasynda $545 mln somasyna 23 ekijaqty kommertsiialyq jáne kommertsiialyq emes qujatqa qol qoiyldy.
QR Úkimetiniń basshylyǵy jáne Soltústik investitsiialyq bank arasynda Shekti kelisim jasaldy, ol QR aýmaǵynda memlekettik-jekemenshik áriptestik qaǵidaty boiynsha jobalardy qarjylandyrýǵa, kapital salý (investitsiialar, korporativtik jáne táýelsiz qaryz, banktik kepildikter) tehnologiialar transferti úshin jaǵdai jasaýǵa baǵyttalady.
«Kazakh Invest» UK basqarma tóraǵasy Saparbek Tuiaqbaev injenerlik jabdyqty óndirý boiynsha jobany iske asyrý týraly Kazakh Invest pen Koja kompaniiasy arasyndaǵy ózara túsinistik týraly memorandýmǵa qol qoidy. Sondai-aq, Kazakh Invest pen quramyna birqatar findik kompaniialar (Kone Corporation, Wartsila, Stora Enso, Kesko, Nokia Corporation) kiretin Findik ónerkásipshiler konfederatsiiasy arasyndaǵy yntymaqtastyq jáne ózara túsinistik týraly memorandýmǵa qol qoiyldy. Dialog barysynda Konfederatsiia Qazaqstan Respýblikasynyń aýmaǵynda jobalardy iske asyrýǵa múddelilik tanytty.
2018 jylǵy qazanda «KTZ Express» AQ men Nurminen Logistics arasyndaǵy konteinerlik tasymaldardy damytý týraly kelisim aiasynda taraptar Resei jáne Qazaqstan aýmaǵy arqyly Finliandiia men Qytai arasynda turaqty tasymaldy iske qosýǵa nietti. Bul ýaǵdalastyq teńiz kóligi ornyna temir jolmen konteinerlerdi tasymaldaýǵa múmkindik beredi jáne Finliandiiadan Qytaiǵa deiingi jol ýaqytyn qysqartýǵa yqpal etedi.
QR Energetika ministrligi men Wartsila kompaniiasy Túrkistan qalasynda qýattylyǵy 50 MVt bý-gazdy qondyrǵy salý múmkindigin qaraýǵa niettestik týraly memorandýmǵa qol qoidy. Qazaqstandaǵy kompaniialardyń iske asyrǵan jobalarynyń arasynda - 2015 jyly paidalanýǵa berilgen Aqtóbe relsbelaǵashtyq zaýytyna arnalǵan elektr stansasy, sondai-aq Mańǵystaý oblysyndaǵy «QazAzot» zaýytyna arnalǵan elektr stansasy bar.
Findik ónerkásipshiler konfederatsiiasy - Finliandiianyń jetekshi qurylymy, ol biznes pen kompaniialardyń barlyq sektorlaryn qamtidy. Konfederatsiia quramyna kiretin kompaniialar men kásiporyndar 70% JIÓ jáne Finliandiianyń 95% eksportyn shyǵarady. 980 myń adam jumys isteitin 16 myń kásiporyn men firmany biriktiretin 27 salalyq múshelik uiymdary bar. Konfederatsiia basqarmasynyń músheleri Kesko Corporation, Lappset Group Oy, Kone Corporation, Metsa Group, OP-Pohjola Group, Orion Corporation, Elisa Corporation, Nokia Corporation sekildi kompaniialardyń basshylary.
Koja kompaniiasy qorshaǵan ortaǵa minimaldy júktememen jeldetkishtik júielerdi qurý boiynsha energiia tiimdi sheshimderdi ázirleýmen ainalysady. Búginde álemde túrli ónerkásiptik maqsatta Koja firmasynyń 20 myńnan astam jeldetkishi paidalanylýda. Koja kompaniiasynyń jabdyǵy energetikalyq sektor, tselliýloza-qaǵaz ónerkásibi, munai himiiasy kesheni, metallýrgiialyq jáne taý-ken ónerkásibi kásiporyndarynda paidalanylady.
Nurminen Logistics - joǵary sapaly logistikalyq qyzmetter, onyń ishinde temir jol tasymaly, jobalyq júkter tasymaly, sondai-aq júkterdi óńdeý jáne jóneltý boiynsha qyzmetterdi qamtityn findik kompaniia. Kompaniia bólimsheleriniń jelisi tranzittik konteinerlik tasymaldaý baǵdary boiynsha logistika úshin mańyzdy Finliandiia men Reseidiń toraptyq núktelerin qamtidy.
Soltústik investitsiialyq bank - Skandinaviia jáne Baltyq elderiniń iri nesielik-qarjylyq institýty. Banktiń negizi Helsinikide shtab-páterimen 1975 jyly qalanǵan. Bank Soltústik Eýropada da (infraqurylymǵa, ekologiiaǵa, bilim salasyna investitsiialar salý), odan tys jerlerde de (Soltústik Eýropa elderi kompaniialarynyń seriktes-firmalaryna járdemdesý) múshe elder úshin múddelilikti qamtityn jobalardy qarjylandyrady. Banktiń onyń jarǵylyq kapitalynan 250%-ǵa deiin asatyn uzaqmerzimdi qarjy resýrstaryn bólý jáne kepildik berý quqyǵy bar.
Wartsila - kemelik energetikalyq qondyrǵylardy, elektr stantsiialaryn, burandaly mehanizmderdi, kemeni basqarý júiesin shyǵarýǵa jáne basqa da jabdyqtar óndirisine mamandanǵan. Kompaniianyń negizi Helsiniki qalasyndaǵy shtab-páterimen 1834 jyly qalanǵan. Qazirgi ýaqytta komaniia shtaty 70 elde 160 ókildikte jumys isteitin 19 myń qyzmetkerden turady. Kompaniia qyzmeti úsh baǵytqa bólingen - elektr stantsiialaryn (34%), kemelik energetikalyq qondyrǵylardy shyǵarý (26%) jáne servistik qamtamasyz etý (40%).
