Skandinaviia elderiniń Soltústik Atlantikalyq aliansqa qosylýy uiymnyń jaqynda ótken sammitiniń basty taqyryby boldy, al NATO-ǵa kirý týraly sheshimdi ár memleket derbes qabyldaidy, dep habarlaidy QazAqparat The Times basylymyna silteme jasap.
Finliandiia men Shvetsiianyń NATO-ǵa qosylýy Resei qarýly kúshteriniń Ýkrainaǵa basyp kirýiniń tikelei saldary, dep atap kórsetedi basylym. Maýsym aiynda aliansqa kirýge Finliandiia, odan keiin Shvetsiia ótinish bermek.
Qazir Shvetsiia men Finliandiianyń biligi NATO-ǵa kirý máselesi boiynsha óz elderinde konsensýsqa qol jetkizý úshin birlesip jumys isteýde, biraq ár memleket óziniń túpkilikti sheshimin qabyldaidy. Eki el de Baltyq teńiziniń qarama-qarsy jaǵalaýynda ornalasqan Reseimen kórshiles. Finliandiianyń Reseimen qurlyqtaǵy shekarasy bar, ol shamamen 1300 shaqyrymǵa sozylady.
Buǵan deiin Túrkiia Syrtqy ister ministri Mevliýt Chavýshoglý 6-7 sáýir kúnderi Briýsselde ótken NATO syrtqy ister ministrleriniń kezdesýinde Shvetsiia men Finliandiianyń NATO-ǵa kirý yqtimaldyǵy eń kóp talqylanǵan taqyryptardyń biri ekenin aitqan. Finliandiia premer-ministri Sanna Marin eliniń aliansqa qosylýǵa degen kózqarasyn baiypty túrde qaita qarastyratyn kez kelgenin aitty. Reseidiń Ýkrainadaǵy áskeri operatsiiasy bastalmai turyp-aq Finliandiia biligi ulttyq qaýipsizdik máselesi shielenisse, NATO-ǵa múshelikke ótinish berýge daiyn ekenin málimdegen.
«Meniń oiymsha, bizde muqiiat talqylaý bolady, biraq biz oǵan kóp ýaqyt jumsamaimyz, óitkeni jaǵdai, óte qiyn», - dedi Finliandiia úkimetiniń basshysy.
Finliandiia siiaqty Shvetsiia da óziniń qaýipsizdik saiasatyn qaita qarap jatyr, ol sáýir aiynyń sońyna deiin aiaqtalady dep kútilýde. Shvetsiia premer-ministri Magdalena Andersson eki apta buryn «NATO-ǵa múshe bolýdy eshbir jaǵdaida joqqa shyǵarmaitynyn» aitqan.
Sonymen qatar, aqpan aiynyń sońynda, Reseidiń Ýkrainaǵa basyp kirýi bastalǵannan keiin Resei prezidenti Vladimir Pýtin Shvetsiia men Finliandiiaǵa NATO-ǵa kiretin bolsa, «onyń áskeri jáne saiasi saldary bolady» dep eskertken bolatyn. Qazir NATO-nyń Baltyq jaǵalaýynan Qara teńizge deiingi Shyǵys Eýropada Reseidiń tikelei basqarýynda 40 myńǵa jýyq áskeri bar.
NATO-nyń bas hatshysy Iens Stoltenberg Pýtinniń áreketi Ýkrainadaǵy soǵystyń uzaq merzimdi saldaryn kórsetetin áskeri koalitsiiany «irgeli ózgertýge» túrtki bolǵanyn aitty.
Uiymnyń ózinde aitylǵandai, NATO-nyń áskeri qýatyn nyǵaitý Resei men Belarýspen shekaralas elderge basyp kirý áreketine toitarys berý múmkindigin jasaý úshin júzege asyrylady. Búginde Finliandiia men Shvetsiia NATO-nyń seriktes memleketteri mártebesine ie. Blokqa barlyǵy 30 memleket kiredi, onyń ishinde Skandinaviia memleketterinen Norvegiia men Daniia bar.
