Pavlodar oblysy fin-ýgor etnomádeni ortalyǵy 2018 jylǵy 15 aqpanda óziniń 3 jyldyǵyn atap ótedi. Osy ýaqyt ishinde shyǵarmashylyq ujymdardy qurý ortalyqtyń zor igiligine ainaldy, «Samruq» horeografiialyq ansambli onda erekshe oryn alady. Nelikten «Samruq» ataldy?
Birinshiden, halyqta «Kemeni qalai atasań – júzýi sondai bolmaq» degen sóz bar. Ekinshiden, búginde bizdiń ortalyqta 9 ult ókili bar, eger ansambldi osylardyń bireýiniń tilinde atasa, onda basqalarynyń kóńiline kirbiń túsýi múmkin. Sondai-aq, bizdiń horeografiialyq ansambl fin-ýgor halqynyń barlyq ókilderiniń bilerin bilegendikten jáne biz barlyǵymyz kóp ultty úlken otbasy Qazaqstannyń birtutas shańyraǵy astynda ómir súrip jatqandyqtan, altyn qanatty qus – Samruqtyń beinesi bizdiń júregimizge jaqyn boldy.
Osy tolyq emes úsh jyl ishinde Alyp qus tek qana oblysta sharyqtady, tájiribe jinady, ulttyq bi stilistikasyn úirenýge kóp jumys istedi, «óz qanatyn» bezendirdi.
Aqyr sońynda, 2017 jylǵy 1-3 qarasha aralyǵynda Almaty qalasynda «Aq kógershin» balalar shyǵarmashylyǵy XVI respýblikalyq konkýrsynyń qatysýshylary bolýǵa múmkindik týyp, bizdiń «Samruq» «halyqtyq bi» nominatsiiasynda ortasha jáne úlken jas toptarynda óner kórsetetin boldy. Konkýrsqa Astana, Almaty, Atyraý, Mańǵystaý, Batys Qazaqstan jáne Pavlodar oblysynan kelgen ujymdar qatysty, olardyń basym bóligi de «halyqtyq bi» nominatsiiasynda óner kórsetedi eken.
Konkýrsty «Aq kógershin» balalar qorynyń prezidenti Tamara Eskenova ashty. Ol barlyq qatysýshylarǵa qoshemet bildirip, joǵary bilikti qazylar alqasymen tanystyryp ótti. Onyń quramyna: Terehova T.V. - T.Júrgenov atyndaǵy Qazaq ulttyq akademiiasynyń «Horeografiia pedagogikasy» kafedrasynyń dotsenti; Alisheva Alila Tursymbaiqyzy – Qazaqstannyń eńbegi sińirgen qairatkeri, T.Júrgenov atyndaǵy Qazaq ulttyq akademiiasynyń «Horeografiia pedagogikasy» kafedrasynyń professory; Orazymbetov Damir Dúisenuly – rejisser-baletmeister, Seleznev atyndaǵy Almaty horeografiialyq ýchilishesiniń magistri kirdi. T.Eskenova óz sózinde, 12 jyl ishinde kóptegen daryndylar úshin konkýrs start alańyna ainalǵanyn aitty.
«Aq kógershin» bizge de ózge óńirlerden kelgen shyǵarmashylyq ujymdardy kórýge, «bi salasy» boiynsha áriptestermen jaqyndasýǵa múmkindik beredi jáne bastysy, «Samruq» ansambli úshin bastapqy alańǵa ainalyp, oidaǵydai oryndaýynyń basy boldy.
Sondyqtan ortańǵy top konkýrstyq baǵdarlamaǵa mordva jáne fin bilerin kirgizdi. Fin biine kostiým tigý konkýrsqa shyǵý kúninde aiaqtaldy jáne ol eńbek aqtaldy. Bidiń ǵajaiyp qoiylymy, onyń oryndalý sheberligi, tań qaldyratyn kostiýmge «oralǵandyǵy» kútken nátije berdi – 1-shi oryn!
Úlken top vengr jáne hant bilerin kórsetti. Ár bidi oryndaýdyń kúrdeli tehnikasy, emotsionaldyq quramy jáne taǵy da ásem kostiýmder, nátijesinde kútpegen, biraq úmit etken júldege qol jetkizdi – Gran pri!
Biz barlyǵymyz bastan ótkizgen emotsiia men sezimdi bir aýyz sózben aityp ótý ońai emes. Biz sezimimizge ie bola almai, aiqailadyq, jyladyq, kúldik. Biz qýandyq, shattandyq.
Ómirdiń osyndai kezeńi janyńda janashyryńnyń bar ekenin sezinýge múmkindik beredi. Olar seni emeýrinnen túsine qoiatyn, sondai-aq óz isine jany ashityn, oǵan bar kúshin salatyn adamdar. Búgingi jeńis – bul bizdiń horeograftyń tynymsyz eńbeginiń, durysyraq aitqanda, Almatyny jaýlap alǵan óz isiniń sheberi, Svetlana Alekseev Zýbkovanyń nátijesi.
Almaty qalasyna kelgen kezde Dostyq úiiniń bazasynda «Sýomi» karel – fin ortalyǵynyń tóraǵasy A.B.Smirnovpen jumys babyndaǵy kezdesý ótti, onyń sheńberinde birneshe birlesken is-sharalar belgilendi.
Óz áńgimemdi aiaqtai kele bizge qoldaý kórsetken, bar janymen biz úshin ýaiymdap, bizge sáttilik tilegen adamdar týraly aityp ótkim keledi. Bular Pavlodar oblysy Qazaqstan halqy assambleiasy, «Qoǵamdyq kelisim» KMM, №40 mektep ákimshiligi, Almaty qalasy «Sýomi» karel-fin ortalyǵy. Sizderge kópten kóp rahmet! «Prosto Mariia» atelesiniń ujymyna erekshe alǵysymyzdy bildiremiz. Olardyń joǵary sheberligi bizge jeńiske jetýge kómektesti. Jáne búgingi kúni bidi súietin búkil Qazaqstan onyń balasy týraly bilgendigi úshin zor úles qosqan ata-analarǵa sheksiz alǵysymyzdy bildiremiz.
Úige qaitar jolda poiyzda otyryp alǵashqy jeńiske jetken, «Samruq» horeografiialyq ansambliniń qatysýshylary halyqaralyq baiqaýlardaǵy jańa jeńister týraly armandady.
Armandaryńyzdyń barlyǵy oryndalsyn!
Olga Nikolashina
.jpeg)