Memleket basshysy Finliandiia Respýblikasynyń biznes ókilderimen kezdesti, dep habarlaidy "Ult aqparat" Aqordaǵa silteme jasap.
Nursultan Nazarbaev Finliandiia Respýblikasy Qazaqstannyń mańyzdy saýda-ekonomikalyq seriktesteriniń biri ekenin atap ótip, eki el arasyndaǵy qarym-qatynastar dostyq pen ózara senimge negizdelgenin aitty.
– Táýelsizdik jyldary Finliandiia Qazaqstanǵa 300 million AQSh dollarynan astam investitsiia quidy. Qazaqstanda fin kapitalynyń qatysýymen túrli salalarda 100-ge jýyq kásiporyn tirkelgen, – dedi Memleket basshysy.
Nursultan Nazarbaev Qazaqstannyń tiimdi biznes júrgizý úshin jańa múmkindikterge jol ashatynyn aityp, búgingi kezdesýdiń maqsaty ekonomikalyq qarym-qatynastardy jandandyrý jáne jańa áriptester izdestirý ekenin atap ótti.
– Investorlarmen jáne biznes ókilderimen ózara tiimdi is-qimyl júrgizý maqsatymen «Qazaq Invest» jáne «Qazaq Eksport» ulttyq kompaniialary quryldy. Prezident janynda Shetel investorlarynyń keńesi jumys isteidi. Metallýrgiia, munai óńdeý, mashina jasaý, himiia, azyq-túlik óndirý siiaqty basym baǵyttaǵy investitsiialyq jobalardy iske asyrý barysynda korporativtik, jer jáne múlik salyqtarynan bosatý qarastyrylǵan, jer qoinaýyn paidalanýǵa litsenziia alý jáne kelisim-sharttar jasasý tártibi jeńildetilgen. Sondai-aq, shet elderden jumys kúshin tartý isi kvotasyz ári ruqsat alýsyz júrgiziledi, – dedi Qazaqstan Prezidenti.
Memleket basshysy jiynǵa qatysyp otyrǵan biznesmenderge Qazaqstanda júrgizilip jatqan aýqymdy jekeshelendirý jóninde jáne bul iske shet elderden, sonyń ishinde fin investorlarynan suranys bar ekenin aitty.
– Biz Finliandiia-Qytai baǵyty boiynsha Qazaqstan aýmaǵy arqyly ótetin jańa temir jol ashqanymyzǵa qýanyshtymyz. Endi, bul baǵyt boiynsha jáne keri qarai konteinerlik tasymal ýaqyty teńiz jolyna qaraǵanda 4 ese qysqardy, – dedi Memleket basshysy.
Qazaqstan Prezidenti aýyl sharýashylyǵy taýarlaryn óndirýshilerge memlekettik qoldaý kórsetý máselelerine toqtalyp, fin kompaniialaryn agroóndiris keshenindegi jobalardy iske asyrý úshin belsendi atsalysýǵa shaqyrdy.
– Qazaqstan ekonomikany jedel jańǵyrtýǵa, jańa tehnologiia men innovatsiiany engizýge bet aldy. «Tsifrlyq Qazaqstan» arnaiy memlekettik baǵdarlamasy júzege asyrylýda. Fin kompaniialarynyń osy saladaǵy tájiribesin eskere otyryp, bul bizdiń yntymaqtastyǵymyz úshin perspektivti alań bola alar edi, – dedi Nursultan Nazarbaev.
Sonymen qatar, Memleket basshysy «Astana» halyqaralyq qarjy ortalyǵynyń artyqshylyqtary jáne sonyń janynan ashylǵan joǵary tehnologiialyq birja jóninde aityp, osy jobany júzege asyrýǵa Shanhai qor birjasy men NASDAQ amerikalyq birjasynyń atsalysqanyn atap ótti.
– «Astana» halyqaralyq qarjy ortalyǵynyń «jasyl», islamdyq jáne innovatsiialyq qarjy quraldaryn damytýdyń óńirlik ortalyǵyna ainalýǵa tolyq múmkindigi bar. Fin kompaniialaryn osy ortalyqtyń jumysyna atsalysýǵa shaqyramyn, – dedi Qazaqstan Prezidenti.
Kezdesý sońynda Nursultan Nazarbaev fin kásipkerleri eki el arasyndaǵy biznesti damytý jáne ózara tiimdi áriptestikti nyǵaitý úshin Qazaqstanda jasalyp otyrǵan barlyq múmkindikterdi paidalanatynyna senim bildirdi.
