Memleket basshysynyń Finliandiiaǵa sapary barysynda «TKSh QazOrtalyǵy» AQ basshylyǵy «AINS Group» jáne «Onninen Oy» kompaniialarymen Yntymaqtastyq týraly memorandýmǵa qol qoidy, dep habarlaidy QazAqparat.
Taraptar Qazaqstan Respýblikasynyń infraqurylymdyq turǵyn úi keshenin damytýǵa jáne jańǵyrtýǵa baǵyttalǵan birlesken jobalardy júzege asyrý jóninde ýaǵdalasty.
AINS Group - álemniń 60 elinde qurylysty basqarý salasynda «tolyq aiaqtalǵan» jobalardy iske asyratyn qurylys-injiniringtik kompaniia. «TKSh QazOrtalyǵy» AQ-men yntymaqtastyq sheńberinde kompaniia BIM-tehnologiialar, matematikalyq modeldeý, 3D-vizýalizatsiia jáne jasandy intellekt syndy ǵimarattardy jobalaý men salýdyń jańa tehnologiialar aýysymyn (transfer) júzege asyrady. Osyndai sheshimderdi paidalaný jobalaý úderisin sapaly jaqsartýǵa, tehnikalyq sipattamalardyń sáikestigin, obektilerdiń qurylysynyń ózindik quny men merzimin dál esepteýdi qamtamasyz etedi.
«Joǵaryda atalǵan is-sharalardy júzege asyrý úshin «AINS Group» kompaniiasy bizdiń enshiles uiymymyz «Úlgilik jáne tájiribelikjobalaýdyń ǵylymi-zertteý institýty» JShS-niń (ÚTJǴZI) 10 paiyzyn iemdenýge jáne BIM-tehnologiialaryn engizý úshin normativtik-quqyqtyq bazany damytýǵa belsendi qatysýǵa daiyn ekendigin bildirdi», - dep atap ótti «TKSh Qaz Ortalyǵy» AQ basqarma tóraǵasynyń birinshi orynbasary Ádilhan Ómirbaev.
Onnenen Oy - jylý jáne sý, elektr, káriz, jeldetý jáne telekommýnikatsiia úshin injenerlik jabdyqty keshendi jetkizýdi qamtamasyz etetin eń iri fin kompaniiasy. Kelissóz barysynda qos tarap ókilderi yntymaqtastyqtyń 4 strategiialyq baǵytyn anyqtap, ózderine basty mindetter qoidy. Atap aitqanda, QR qalalarynda aǵyn sýlardy tazartý jáne sý tazartý qondyrǵylaryn salý jáne jańǵyrtý boiynsha jobalardy iske asyrý mindetteri júzege asyrylady.
Qazaqstan Respýblikasyndaǵy káriz jelisin tazartý qondyrǵylarynyń jumysyn retteitin standarttardy ózgertý boiynsha usynystardy birlesip ázirleý týraly, sondai-aq jabdyqtar óndirisin yqtimal oqshaýlaý týraly kelisimge qol jetkizildi.
Aita ketý kerek, jańa tehnologiialardy engizý boiynsha sheteldik kompaniialardy tartýdy «TKSh QazOrtalyǵy» Qazaqstan Respýblikasy Investitsiialar jáne damý ministrliginiń 2017-2021 jyldarǵa arnalǵan Strategiialyq josparyn iske asyrý sheńberinde salanyń energetikalyq tiimdiligin arttyrý jáne sáýlet, qala qurylysy jáne qurylys salasyndaǵy ulttyq innovatsiialyq júieni damytý salasynda júzege asyrady.
