Filippinde «Megi» tropikalyq daýyly 115 adamnyń ómirin qidy, dep habarlaidy QazAqparat.
Filippinniń Tabiǵi apattardyń aldyn alý jáne saldaryn joiý jónindegi ulttyq keńesiniń málimetinshe, selden 920 myńnan astam adam zardap shekken. 230 myńnan astam adam úilerin tastap ketýge májbúr bolǵan. Resmi túrde 150-den astam adam habar-osharsyz ketken.
14 sáýirdegi jaǵdai boiynsha 115 adamnyń máiiti tabylǵan. Tsiklon Filippin teńizindegi konvektsiia aimaǵynan shyǵyp, soltústik-batysqa qarai Leite shyǵanaǵyna qarai jylji bastaǵan. Jeksenbide eldiń ortalyq-shyǵys bóligindegi Samar jáne Leite provintsiialarynyń araldarynda daýyl soqty. Jeldiń maksimaldy jyldamdyǵy onyń sheginde 20,8 m/s, ekpini 29,1 m/s-qa deiin jetti. Daýyldyń sońy nóser jańbyrǵa, aýqymdy sý tasqyny men kóshkinge ulasty.
Apat saldarynan Shyǵys Visai araldarynyń ózge de óńirleri zardap shekti. Aýyl sharýashylyǵyna – kúrish, júgeri, mal sharýashylyǵyna orasan zor ziian keldi. Daýyl saldarynan eldiń 15 qalasynda elektr qýaty úzilip, eki qalada sý qubyry, joldar men kópirler zaqymdandy.
38 port jumysyn toqtatty. Filippin biligi «Megi» daýylyna bailanysty 14 qala men mýnitsipalitette tótenshe jaǵdai rejimin jariialady. Aldyn ala resmi derekter boiynsha jalpy shyǵyn 10,9 mln AQSh dollarynan asqan.
