Foto: videodan skrinshot
Filadelfiianyń soltústik-shyǵysynda áýege kóterilgennen keiin kóp uzamai meditsinalyq evakýatsiiaǵa arnalǵan ushaq apatqa ushyrady, dep habarlaidy BBC.
Sanitarlyq aviatsiia qyzmetin usynatyn kompaniianyń málimetinshe, apatqa ushyraǵan Learjet 55 ushaǵynda tórt ekipaj múshesi, pediatriialyq bólimnen bir naýqas jáne jolserik bolǵan.
"Qazirgi kezde biz tiri qalǵandardyń bar ekenin rastai almaimyz", — delingen Jet Rescue Air Ambulance málimdemesinde.
Jergilikti BAQ-tyń habarlaýynsha, Roosevelt Mall janynda zardap shekkender kóp — apat jergilikti ýaqyt boiynsha saǵat 18:30–da bolǵan.
Beinejazbadan ushaqtyń jerge qulap, jarylǵanyn kórýge bolady.
Filadelfiia meri Sherell Parker oqiǵa ornynda ótkizgen baspasóz máslihatynda birneshe úi men kóliktiń órtengenin habarlady.
Sanitarlyq aviatsiia ushaǵy Soltústik-Shyǵys Filadelfiia áýejaiynan ushyp shyǵyp, Missýri shtatyndaǵy Springfild-Bransonǵa bet aldy. Apattyń sebepteri ázirge belgisiz.
BAQ-tyń habarlaýynsha, aýa raiy salqyn jáne jańbyrly, al kóriný nashar boldy.
.jpg)
