Tanymal Telegram chattardyń birinde PTR testileri COVID-19 diagnozyn qoiýǵa jaramsyz, óitkeni olar jalǵan oń nátije kóp beredi degen aqparat tarady. Bul - olai emes, dep jazady Stopfake.kz saity.
PTR testileý ádisi belgili bir DNQ nemese RNQ fragmentterin anyqtaýǵa jáne olardyń kóp márte replikatsiiasyna negizdelgen. Iaǵni, osy ádisti qoldana otyryp, alynǵan úlgide patogen mólsheri óte tómen bolsa da, aýrýdy diagnostikalaýǵa bolady.
PTR taldaýy 1980 jyldardan beri qoldanylyp keledi. Onyń kómegimen gepatit, jynystyq jolmen beriletin aýrýlar jáne t.b. ártúrli aýrýlar diagnozy qoiylady. PTR taldaýyn ákelikti anyqtaý úshin de qoldanýǵa bolady.
Testtiń bul túri patogenderdi, sonyń ishinde Sars-CoV-2 virýsyn dál anyqtaidy.
Bul ádisti oilap tapqan Kerri Mýllis PTR taldaýy COVID-19 úshin paidasyz dep múldem aitpaǵan. Birinshiden, ǵalym COVID-19 pandemiiasy bastalǵanǵa deiin qaitys boldy, iaǵni tiri kezinde bul týraly aitpaǵan. Ekinshiden, covid-dissidentter keńinen qoldanatyn onyń «PTR-diń paidasyzdyǵy» týraly dáieksózi is júzinde konteksten úzip alynǵan jáne AITV taqyrybyna qatysty bolǵan. Kerri Mýllis pen onyń málimdemesi týraly biz buǵan deiin aitqan bolatynbyz.
Taratylǵan aqparatta keltirilgen AQSh aýrýlardy baqylaý jáne aldyn alý ortalyǵynyń (CDC) PTR testiniń belsendi infektsiiany anyqtai almaityndyǵyn moiyndaǵany týraly tezis – ótirik. Ol CDC saitynda 2021 jylǵy 21 maýsymda jariialanǵan qujatqa negizdelgen. Onda pandemiianyń basynda jasalǵan 2019-nCoV RT-PCR synaqtaryn qoldanýdan bas tartý jáne PTR ádisin qoldanatyn basqa da zamanaýi test júielerine kóshý usynylady.
Bul týraly myna jerden oqi alasyzdar:
Habarlamada aitylǵan basqa dálelder de teriske shyǵarylǵan eski feikterdi mazmundaý bolyp tabylady.
Demek, PTR synaqtarynyń paidasyzdyǵy týraly taratylǵan aqparatqa senýge negiz joq. Ondaǵy barlyq tezister jalǵan jáne manipýliativti. PTR taldaýy – COVID-19 jáne basqa da juqpaly aýrýlardy diagnostikalaýdyń senimdi ádisi.
