Qaznette taqyrybynda Qazaqstan prezidenti Qasym-Jomart Toqaev halyqqa berilgen barlyq tutynýshylyq nesielerdiń 90 paiyzyn keshirý týraly Jarlyqqa qol qoiǵany aitylǵan video taralýda. Bul - olai emes, - dep habarlaidy Stopfake.kz.
Shyn máninde, el Prezidenti mundai Jarlyqqa qol qoiǵan joq. Sonymen qatar, videoda Memleket basshysynyń Jarlyǵy týraly emes, qarjy vitse-ministri Marat Sultanǵaziev túsindirgen jeke tulǵalardyń bankrottyǵy týraly zań jobasy jaily aitylady.
Jobada kredittik qaryzdardyń 90 paiyzyn keshirý kózdelmegen. Ol halyqtyń tólem qabilettiligin qalpyna keltirýge jáne adal nesie alýshylarǵa kómektesýge baǵyttalǵan. Atap aitqanda, zań jobasynda turaqty tabys bolǵan jaǵdaida, sotta qaryzdy bes jyl boiy bólip tóleý múmkindigin alý qarastyrylǵan. Eger boryshkerdiń turaqty tabys kózi bolmasa, onda jobada eki nusqa qarastyrylmaǵan: sotsyz jáne sot arqyly bankrottyq jariialaý. Bul protsedýralar týraly tolyǵyraq myna jerden oqi alasyz.
Demek, video taqyryby - klikbeit. Mundai taqyryptar paidalanýshylardyń nazaryn aýdarý, sol arqyly jańalyqtar men videolardy kóp kórsetýge baǵyttalǵan. Mundai taqyryptardaǵy aqparat kóp jaǵdaida ádeii burmalanady, al faktiler asyra aitylady.
