Foto: Ofitsialnyi sait prezidenta Kazahstana
Qaraǵandydaǵy ferroqorytpa zaýytynda bolǵan apattan zardap shekken taǵy eki adam qaitys boldy, dep habarlaidy oblystyq densaýlyq saqtaý basqarmasy.
Basqarmanyń málimetinshe, tórt naýqastyń jaǵdaiy áli de aýyr.
"Qarqyndy reanimatsiialyq is-sharalar ótkizilgennen keiin Qaraǵandy ferroqorytpa zaýytynyń taǵy eki jumysshysynyń ómirin saqtap qalý múmkin bolmady. 1981 jáne 1987 jyly týylǵan naýqastar esin jimastan qaitys boldy. Dárigerler olardyń ómirin saqtap qalý úshin bar kúsh-jigerip salyp, kúresken bolatyn. Qaza tapqandardyń jaqyn týystaryna shyn júrekten kóńil aitamyz", - delingen habarlamada.
Qaza bolǵan Adamchýk Dmitro balqytý tsehynyń mehanigi, al Tólegen Jetpisbaev bas mehanik qyzmetiniń sheberi bolyp jumys istegen.
Esterińizge sala keteiik, 20 shildede Qaraǵandyda ferroqorytpa zaýytynyń peshinde kenetten jalyn shyǵyp, tótenshe jaǵdai saldarynan kásiporynnyń segiz qyzmetkeri zardap shekti. Olardyń beseýiniń jaǵdaiy aýyr ekeni habarlanǵan. Keshe eki jumysshy qaitys bolǵan edi.
