foto: Halyq Uni
YDD Corporation kompaniiasy Karaǵandydaǵy ferroqorytpa zaýytynda tótenshe jaǵdaidan keiin qaza tapqan qyzmetkerdiń otbasyna qoldaý kórsetemiz dep ýáde berdi, dep habarlaidy Kazinform agenttiginiń tilshisi.
Búgin kompaniia qaitys bolǵan Mýzafar Ismailovtyń otbasy aldyndaǵy mindettemeleriniń tizimin jariialady. Marqum ferroqorytpa zaýytyndaǵy peshte jalyn shyǵyp, denesin 85% kúiik shalǵan edi. Alǵan jaraqattary saldarynan ol tórtinshi kúni aýrýhanada qaitys bolǵan.
“YDD Corporation Mýzafar Imantaiulynyń qaitys bolýyna bailanysty onyń týystary men jaqyndaryna qaiǵyra otyryp, kóńil aitady.⠀
Búgingi tańda kompaniia jerleýdi uiymdastyrý, as ótkizý jáne mazar salý boiynsha barlyq shyǵyndardy óz moinyna alady, sondai-aq otbasyna barlyq qajetti qoldaýdy kórsetedi. Atap aitqanda, kompaniia kelesi mindettemelerdi atqarady:
* Otbasyn qoldaý úshin 10 jyldyq jalaqy mólsherinde birjolǵy tólem jasaidy.
* Otbasynyń turǵyn úi jaǵdaiyn jaqsartýǵa kómek kórsetedi.
* Qyzmetker men onyń jubaiynyń barlyq nesielerin tolyq óteidi”, - dep málimdedi kompaniianyń baspasóz qyzmetinde.
Muzafar Ismailovtyń janazasy búgin Qaraǵandy oblysy Buqar jyraý aýdany Úmitker aýylynda shyǵaryldy. Marqumnyń sońynda úsh jasar qyzy men birge endi tolǵan uly qaldy.
Esterińizge sala keteiik, 20 shildede Qaraǵandyda ferroqorytpa zaýytynyń peshinde kenetten jalyn shyqty. TJ saldarynan kásiporynnyń segiz qyzmetkeri zardap shekti. Olar Professor H.J.Maqajanov atyndaǵy kópsalaly aýrýhanasyna jatqyzyldy. QR Densaýlyq saqtaý Ministrliginiń tapsyrmasy boiynsha qosymsha meditsinalyq kómek alý úshin Qaraǵandyǵa Akademik N.D.Batpenov atyndaǵy Ulttyq Travmatologiia jáne ortopediia ǵylymi ortalyǵynyń qyzmetkerleri keldi.⠀
