Fermerler blokposttan kedergisiz ótýde. Bul týraly Ortalyq kommýnikatsiialar qyzmetinde ótken Qazaqstandaǵy kóktemgi egis naýqanynyń barysy jáne qarjylandyrý jumysynyń atqarylýyna arnalǵan onlain baspasóz konferentsiiasynda aityldy, dep habarlaidy QazAqparat.
«22 sáýirde Aýyl sharýashylyǵy ministrligi Ishki ister ministrligimen birlesip keńes ótkizdi. Oǵan Densaýlyq saqtaý ministrligi men jergilikti atqarýshy organdar qatysty. Nátijesinde blokpostta qaǵaz túrindegi qujattar da, elektrondyq ruqsattar da eskerilýi tiis degen sheshim qabyldandy. Buǵan deiin respýblikamyzdyń bas sanitar dárigeriniń tiisti qaýlysy shyqqanyn aita ketý kerek. Bul rette QR IIM kóktemgi dala jumystaryn júrgizýdiń mańyzyn barlyq jergilikti politsiia qurylymdaryna jetkizdi. Endi ákimder jergilikti jerlerde áreket etý i kerek jáne shuǵyl shtabpen bailanysta bolýy qajet. Qiynshylyq týsa sol shtab arqyly óte almai jatqan fermerlerdiń máselesin sheshýge bolady», - deidi QR Aýyl sharýashylyǵynyń birinshi vitse-ministri Aidarbek Saparov.
Onyń aitýynsha, Aýyl sharýashylyǵy ministri elimizdiń Premer-Ministriniń tapsyrmasy boiynsha Aqmola jáne Qaraǵandy oblystary blokposttarynyń jumysyn tekserdi.
«Fermerler blokposttan kedergisiz ótýde. Blokpostta túsinbeýshilik oryn alýy múmkin. Ol boiynsha biz jedel túrde jumys isteimiz. Kómektesip, máseleni sheshemiz. Negizi qaǵaz júzindegi jáne elektrondy ruqsatpen de júrýge bolady», - deidi ol.
