Foto: Pexels.com
2024 jyldyń toǵyz aiynda ákimshilik jaýapkershilikke myńnan astam adam tartyldy. Tekserýler nátijesinde dári-dármek baǵasynyń 2000%-ǵa deiin qymbattaýy múmkin ekeni belgili boldy, dep habarlaidy Ult.kz Energyprom.kz saityna silteme jasap.
Jyl basynan beri Bas prokýratýranyń quqyqtyq statistika jáne arnaiy esepter komiteti farmatsevtikalyq qyzmet erejelerin buzýdyń 1200 jaǵdaiyn tirkedi, bul ótken jylmen salystyrǵanda eki ese kóp. Zańsyz meditsinalyq nemese farmatsevtikalyq qyzmet kórsetý faktileri 42%-ǵa artqan, 996 adam jaýapkershilikke tartylǵan.
Sarapshylar Densaýlyq saqtaý ministrliginiń aýdit nátijelerin atap ótti. Vedomstvonyń jumysy úilestirilmegendikten orasan shyǵyndarǵa ákelgen.
«Qazaqstandyq dári-dármek jáne meditsinalyq buiym óndirýshilerine memlekettik qoldaý sharalarynyń qoljetimdiligi áli de tómen: tek 20%-dan az. Budan bólek, Biryńǵai distribiýtor júiesinde satyp alýdy durys josparlamaý meditsinalyq uiymdardyń 2,8 mlrd teńgege dári-dármek satyp alýdan bas tartýyna ákeldi. Nátijesinde 279,5 mln teńgege dári-dármektiń jaramdylyq merzimi ótip, olardy esepten shyǵarý qajettiligi týdy», – delingen materialda.
Memleket baǵalardy «paiyz ústine paiyz» qaǵidaty boiynsha retteitindikten, dári-dármek baǵasy óndirýshi zaýytynyń baǵasynan 172%-ǵa deiin jetýi múmkin.
Tirkelmegen dári-dármekter zaýyt baǵasynan 2000%-ǵa deiin ústememen satylýy múmkin.
«Memlekettik aýdit baǵa belgileý mehanizmindegi kemshilikterge bailanysty "SK-Farmatsiia" JShS keibir dári-dármek pen meditsinalyq buiymdardy naryqtan 40%-365%-ǵa qymbat baǵamen satyp alǵanyn anyqtady, bul 8 mlrd teńgeden asyp ketti», – dep atap kórsetedi sarapshylar.
Dári-dármek baǵasynyń jyldyq ósimi eldegi infliatsiiany basyp ozady.
«Qyrkúiek aiynyń qorytyndysy boiynsha farmatsevtikalyq preparattardyń baǵasy 12%-ǵa ósti, bul eldegi infliatsiia deńgeiinen edáýir joǵary. Ulttyq statistika biýrosynyń málimetteri boiynsha, keibir preparattardyń jyldyq baǵasy ortasha naryqtyq kórsetkishten aitarlyqtai joǵary boldy: mysaly, atsetilsalitsil qyshqylynyń baǵasy bir jylda 48,9%-ǵa, belsendirilgen kómirdiń baǵasy 31%-ǵa, "Hilak forte" probiotiginiń baǵasy 25%-ǵa, "Flemoksin Soliýtab" antibiotiginiń baǵasy 21,5%-ǵa ósti», – dep mysal keltiredi sarapshylar.
2024 jyly eldegi dári-dármek óndirisi 22,5%-ǵa artqanymen, otandyq óndirýshiler suranystyń tek 18%-yn ǵana qamtamasyz etti.
