فوتو: Pexels.com
2024 جىلدىڭ توعىز ايىندا ەكٸمشٸلٸك جاۋاپكەرشٸلٸككە مىڭنان استام ادام تارتىلدى. تەكسەرۋلەر نەتيجەسٸندە دەرٸ-دەرمەك باعاسىنىڭ 2000%-عا دەيٸن قىمباتتاۋى مٷمكٸن ەكەنٸ بەلگٸلٸ بولدى, دەپ حابارلايدى Ult.kz Energyprom.kz سايتىنا سٸلتەمە جاساپ.
جىل باسىنان بەرٸ باس پروكۋراتۋرانىڭ قۇقىقتىق ستاتيستيكا جەنە ارنايى ەسەپتەر كوميتەتٸ فارماتسەۆتيكالىق قىزمەت ەرەجەلەرٸن بۇزۋدىڭ 1200 جاعدايىن تٸركەدٸ, بۇل ٶتكەن جىلمەن سالىستىرعاندا ەكٸ ەسە كٶپ. زاڭسىز مەديتسينالىق نەمەسە فارماتسەۆتيكالىق قىزمەت كٶرسەتۋ فاكتٸلەرٸ 42%-عا ارتقان, 996 ادام جاۋاپكەرشٸلٸككە تارتىلعان.
ساراپشىلار دەنساۋلىق ساقتاۋ مينيسترلٸگٸنٸڭ اۋديت نەتيجەلەرٸن اتاپ ٶتتٸ. ۆەدومستۆونىڭ جۇمىسى ٷيلەستٸرٸلمەگەندٸكتەن وراسان شىعىندارعا ەكەلگەن.
«قازاقستاندىق دەرٸ-دەرمەك جەنە مەديتسينالىق بۇيىم ٶندٸرۋشٸلەرٸنە مەملەكەتتٸك قولداۋ شارالارىنىڭ قولجەتٸمدٸلٸگٸ ەلٸ دە تٶمەن: تەك 20%-دان از. بۇدان بٶلەك, بٸرىڭعاي ديستريبيۋتور جٷيەسٸندە ساتىپ الۋدى دۇرىس جوسپارلاماۋ مەديتسينالىق ۇيىمداردىڭ 2,8 ملرد تەڭگەگە دەرٸ-دەرمەك ساتىپ الۋدان باس تارتۋىنا ەكەلدٸ. نەتيجەسٸندە 279,5 ملن تەڭگەگە دەرٸ-دەرمەكتٸڭ جارامدىلىق مەرزٸمٸ ٶتٸپ, ولاردى ەسەپتەن شىعارۋ قاجەتتٸلٸگٸ تۋدى», – دەلٸنگەن ماتەريالدا.
مەملەكەت باعالاردى «پايىز ٷستٸنە پايىز» قاعيداتى بويىنشا رەتتەيتٸندٸكتەن, دەرٸ-دەرمەك باعاسى ٶندٸرۋشٸ زاۋىتىنىڭ باعاسىنان 172%-عا دەيٸن جەتۋٸ مٷمكٸن.
تٸركەلمەگەن دەرٸ-دەرمەكتەر زاۋىت باعاسىنان 2000%-عا دەيٸن ٷستەمەمەن ساتىلۋى مٷمكٸن.
«مەملەكەتتٸك اۋديت باعا بەلگٸلەۋ مەحانيزمٸندەگٸ كەمشٸلٸكتەرگە بايلانىستى "سك-فارماتسييا" جشس كەيبٸر دەرٸ-دەرمەك پەن مەديتسينالىق بۇيىمداردى نارىقتان 40%-365%-عا قىمبات باعامەن ساتىپ العانىن انىقتادى, بۇل 8 ملرد تەڭگەدەن اسىپ كەتتٸ», – دەپ اتاپ كٶرسەتەدٸ ساراپشىلار.
دەرٸ-دەرمەك باعاسىنىڭ جىلدىق ٶسٸمٸ ەلدەگٸ ينفلياتسييانى باسىپ وزادى.
«قىركٷيەك ايىنىڭ قورىتىندىسى بويىنشا فارماتسەۆتيكالىق پرەپاراتتاردىڭ باعاسى 12%-عا ٶستٸ, بۇل ەلدەگٸ ينفلياتسييا دەڭگەيٸنەن ەدەۋٸر جوعارى. ۇلتتىق ستاتيستيكا بيۋروسىنىڭ مەلٸمەتتەرٸ بويىنشا, كەيبٸر پرەپاراتتاردىڭ جىلدىق باعاسى ورتاشا نارىقتىق كٶرسەتكٸشتەن ايتارلىقتاي جوعارى بولدى: مىسالى, اتسەتيلساليتسيل قىشقىلىنىڭ باعاسى بٸر جىلدا 48,9%-عا, بەلسەندٸرٸلگەن كٶمٸردٸڭ باعاسى 31%-عا, "حيلاك فورتە" پروبيوتيگٸنٸڭ باعاسى 25%-عا, "فلەموكسين سوليۋتاب" انتيبيوتيگٸنٸڭ باعاسى 21,5%-عا ٶستٸ», – دەپ مىسال كەلتٸرەدٸ ساراپشىلار.
2024 جىلى ەلدەگٸ دەرٸ-دەرمەك ٶندٸرٸسٸ 22,5%-عا ارتقانىمەن, وتاندىق ٶندٸرۋشٸلەر سۇرانىستىڭ تەك 18%-ىن عانا قامتاماسىز ەتتٸ.
