Biyl farmatsevtika ónerkásibinde óndiris artty. Bul týraly Úkimet otyrysynda jeti aidaǵy áleýmettik-ekonomikalyq damýdy talqylaý kezinde QR Indýstriia jáne infraqurylymdyq damý ministrliginiń birinshi vitse-ministri Qaiyrbek Óskenbaev aitty, dep habarlaidy QazAqparat.
«Farmatsevtika ónerkásibinde halyqtyń dárilik zattar men meditsinalyq buiymdarǵa suranysynyń artýy esebinen óndiris kólemi 38,9% artty. Jeńil ónerkásipte óndiris 5,4% ósti. Oǵan kiim (+18,7%) jáne bylǵary ónimder óndirisiniń (+7,9%) ulǵaiýy oń áser etti. Dezinfektsiialyq quraldar men mineraldyq tyńaitqyshtarǵa suranystyń artýy himiia ónerkásibiniń óndiris kólemin arttyrdy. Ósim 1,9% qurady», - dedi Óskenbaev.
Onyń aitýynsha, qurylys materialdary óndirisi 113,2% boldy. Oǵan jylý oqshaýlaǵysh materialdar (1,6 esege), portland-tsement (+24,7%), gips (+43,4%), kirpishter (2,3 esege) jáne qurylys eritindileri (+26,3%) óndirisiniń artýy esebinen qol jetkizildi.
