Facebook kompaniiasy 2019 jyly sailaý ótetin Úndistan, Nigeriia, Ýkrina jáne EO elderinde saiasi jarnama berýdiń erejesin qatań baqylamaq. Bul týraly Reuters agenttigi habarlady.
Facebook kompaniiasynyń jahandyq saiasat isi jónindegi bólimniń direktory Keti Harbarttyń aitýynsha, Nigeriiada 16 aqpan kúni bolatyn sailaýǵa bailanysty saiasi jarnamany sársenbiden bastap áleýmettik jelige sol elde turatyn adamdar ǵana jariialai alady. Mundai shara sailaý ótetin ózge elderde de qolǵa alynbaq.
«Facebook iri áleýmettik mediaserviske ainalǵaly, 2016 jyldan bastap saiasatkerler men olardyń qarsylastarynyń jalǵan aqpar, úgit nasihattaryn taratatyn alańǵa ainaldy. Mundai jarnamalardy satyp alý arqyly Facebook aýditoriiany keńeite túsýi múmkin, degenmen ondai jaittar sailaý erejesi men kompaniia saiasatyna nuqsan keltirýi múmkin», - deidi ol.
Buǵan deiin Facebook AQSh-ǵy saiasi daýdyń ortasynda qalǵan bolatyn. Sailaý aldynda Cambridge Analytica firmasynyń Donald Tramppen ymyralasa otyryp 50 mln Facebook qoldanýshysynyń derekterin zańsyz alǵany BAQ-ta jariialanǵan bolatyn.
