Facebook كومپانيياسى 2019 جىلى سايلاۋ ٶتەتٸن ٷندٸستان, نيگەرييا, ۋكرينا جەنە ەو ەلدەرٸندە ساياسي جارناما بەرۋدٸڭ ەرەجەسٸن قاتاڭ باقىلاماق. بۇل تۋرالى Reuters اگەنتتٸگٸ حابارلادى.
Facebook كومپانيياسىنىڭ جاھاندىق ساياسات ٸسٸ جٶنٸندەگٸ بٶلٸمنٸڭ ديرەكتورى كەتي حاربارتتىڭ ايتۋىنشا, نيگەرييادا 16 اقپان كٷنٸ بولاتىن سايلاۋعا بايلانىستى ساياسي جارنامانى سەرسەنبٸدەن باستاپ ەلەۋمەتتٸك جەلٸگە سول ەلدە تۇراتىن ادامدار عانا جارييالاي الادى. مۇنداي شارا سايلاۋ ٶتەتٸن ٶزگە ەلدەردە دە قولعا الىنباق.
«Facebook ٸرٸ ەلەۋمەتتٸك مەدياسەرۆيسكە اينالعالى, 2016 جىلدان باستاپ ساياساتكەرلەر مەن ولاردىڭ قارسىلاستارىنىڭ جالعان اقپار, ٷگٸت ناسيحاتتارىن تاراتاتىن الاڭعا اينالدى. مۇنداي جارنامالاردى ساتىپ الۋ ارقىلى Facebook اۋديتورييانى كەڭەيتە تٷسۋٸ مٷمكٸن, دەگەنمەن ونداي جايتتار سايلاۋ ەرەجەسٸ مەن كومپانييا ساياساتىنا نۇقسان كەلتٸرۋٸ مٷمكٸن», - دەيدٸ ول.
بۇعان دەيٸن Facebook اقش-عى ساياسي داۋدىڭ ورتاسىندا قالعان بولاتىن. سايلاۋ الدىندا Cambridge Analytica فيرماسىنىڭ دونالد ترامپپەن ىمىرالاسا وتىرىپ 50 ملن Facebook قولدانۋشىسىنىڭ دەرەكتەرٸن زاڭسىز العانى باق-تا جارييالانعان بولاتىن.
