QR Bilim jáne ǵylym ministrligi «Ejelgi dáýirden búgingi kúnge deiingi Qazaqstan tarihy» atty akademiialyq basylym ázirlep jatyr, dep habarlaidy QazAqparat tilshisi.
Bul týraly vedomstvo basshysy Ashat Aimaǵambetov «Ulyq ulys — Altyn Orda» atty halyqaralyq konferentsiiada málim etti.
«Memleket basshysy «Táýelsizdik bárinen qymbat» atty akademiialyq maqalasynda Qazaqstannyń tarihyn jańa júieli túrde zertteý qajettigin basa aitqan bolatyn. Qazirgi ýaqytta Sh.Ýálihanov atyndaǵy tarih jáne etnologiia institýtynyń negizinde bedeldi tarihshy ǵalymdardan quralǵan top «Ejelgi dáýirden búginge deiingi Qazaqstan tarihy» kóptomdyq akademiialyq basylymyn ázirlep jatyr. Basylymnyń 3-tomy «Joshy Ulysyna» arnalǵan. Institýt atalǵan tomǵa jaýapty bolyp, osy baǵytta júieli zertteý júrgizedi», — dedi ministr.
Vedomstvo basshysy ǵalymdar Altyn Orda tarihyn zertteý boiynsha granttyq jáne nysanaly-baǵdarlamalyq qarjylandyrý sheńberinde 15-ke tarta ǵylymi joba júzege asyryp jatqanyn málim etti.
«Ǵalymdar «Jańa derekkózderdi aýdarý jáne Altyn Ordanyń etnosaiasi tarihyn zertteý» ǵylymi baǵdarlamasyn júzege asyra bastady. Baǵdarlamanyń maqsaty — Joshy Ulysynyń etnosaiasi tarihyn Qazaq handyǵynyń tarihi bastamasy retinde zertteý.
Halyq arasynda Altyn Orda tarihy týraly kásibi ǵylymi bilimdi nasihattaý. Atyraý jerinde Ulyq Ulystyń astanalarynyń biri – Saraishyq bar. Bul qalada Altyn Orda handarynyń birazy taqqa otyrdy.
Saraishyqta Ulys Joshynyń birqatar handary, Noǵai ordasynyń bekteri, sondai-aq Qazaq handyǵynyń jekelegen handary jerlengen.
Saraishyq – tarihymyzdyń simvoldyq astanasynyń óte mańyzdy quramdas bóligi. Saraishyqtyń mádeni murasyn, tarihyn jan-jaqty saqtap, zerdeleýimiz qajet.
Bul baǵytta keshendi arheologiialyq izdenister júrgiziledi. Eskertkishtiń materialdyq jáne rýhani mádenietiniń negizgi elementterin qaita qalpyna keltirý arqyly qýatty memleketimizdiń tiregi retinde ejelgi qala tarihyn dáripteitin bolamyz», — dedi Ashat Aimaǵambetov.
