قر بٸلٸم جەنە عىلىم مينيسترلٸگٸ «ەجەلگٸ دەۋٸردەن بٷگٸنگٸ كٷنگە دەيٸنگٸ قازاقستان تاريحى» اتتى اكادەمييالىق باسىلىم ەزٸرلەپ جاتىر, دەپ حابارلايدى قازاقپارات تٸلشٸسٸ.
بۇل تۋرالى ۆەدومستۆو باسشىسى اسحات ايماعامبەتوۆ «ۇلىق ۇلىس — التىن وردا» اتتى حالىقارالىق كونفەرەنتسييادا مەلٸم ەتتٸ.
«مەملەكەت باسشىسى «تەۋەلسٸزدٸك بەرٸنەن قىمبات» اتتى اكادەمييالىق ماقالاسىندا قازاقستاننىڭ تاريحىن جاڭا جٷيەلٸ تٷردە زەرتتەۋ قاجەتتٸگٸن باسا ايتقان بولاتىن. قازٸرگٸ ۋاقىتتا ش.ۋەليحانوۆ اتىنداعى تاريح جەنە ەتنولوگييا ينستيتۋتىنىڭ نەگٸزٸندە بەدەلدٸ تاريحشى عالىمداردان قۇرالعان توپ «ەجەلگٸ دەۋٸردەن بٷگٸنگە دەيٸنگٸ قازاقستان تاريحى» كٶپتومدىق اكادەمييالىق باسىلىمىن ەزٸرلەپ جاتىر. باسىلىمنىڭ 3-تومى «جوشى ۇلىسىنا» ارنالعان. ينستيتۋت اتالعان تومعا جاۋاپتى بولىپ, وسى باعىتتا جٷيەلٸ زەرتتەۋ جٷرگٸزەدٸ», — دەدٸ مينيستر.
ۆەدومستۆو باسشىسى عالىمدار التىن وردا تاريحىن زەرتتەۋ بويىنشا گرانتتىق جەنە نىسانالى-باعدارلامالىق قارجىلاندىرۋ شەڭبەرٸندە 15-كە تارتا عىلىمي جوبا جٷزەگە اسىرىپ جاتقانىن مەلٸم ەتتٸ.
«عالىمدار «جاڭا دەرەككٶزدەردٸ اۋدارۋ جەنە التىن وردانىڭ ەتنوساياسي تاريحىن زەرتتەۋ» عىلىمي باعدارلاماسىن جٷزەگە اسىرا باستادى. باعدارلامانىڭ ماقساتى — جوشى ۇلىسىنىڭ ەتنوساياسي تاريحىن قازاق حاندىعىنىڭ تاريحي باستاماسى رەتٸندە زەرتتەۋ.
حالىق اراسىندا التىن وردا تاريحى تۋرالى كەسٸبي عىلىمي بٸلٸمدٸ ناسيحاتتاۋ. اتىراۋ جەرٸندە ۇلىق ۇلىستىڭ استانالارىنىڭ بٸرٸ – سارايشىق بار. بۇل قالادا التىن وردا حاندارىنىڭ بٸرازى تاققا وتىردى.
سارايشىقتا ۇلىس جوشىنىڭ بٸرقاتار حاندارى, نوعاي ورداسىنىڭ بەكتەرٸ, سونداي-اق قازاق حاندىعىنىڭ جەكەلەگەن حاندارى جەرلەنگەن.
سارايشىق – تاريحىمىزدىڭ سيمۆولدىق استاناسىنىڭ ٶتە ماڭىزدى قۇرامداس بٶلٸگٸ. سارايشىقتىڭ مەدەني مۇراسىن, تاريحىن جان-جاقتى ساقتاپ, زەردەلەۋٸمٸز قاجەت.
بۇل باعىتتا كەشەندٸ ارحەولوگييالىق ٸزدەنٸستەر جٷرگٸزٸلەدٸ. ەسكەرتكٸشتٸڭ ماتەريالدىق جەنە رۋحاني مەدەنيەتٸنٸڭ نەگٸزگٸ ەلەمەنتتەرٸن قايتا قالپىنا كەلتٸرۋ ارقىلى قۋاتتى مەملەكەتٸمٸزدٸڭ تٸرەگٸ رەتٸندە ەجەلگٸ قالا تاريحىن دەرٸپتەيتٸن بولامىز», — دەدٸ اسحات ايماعامبەتوۆ.
