«Eir Astana» áýe kompaniiasy óz ushaǵynyń Máskeýdegi Sheremetevo áýejaiyna apattyq jaǵdaida qonǵany týraly aqparatty joqqa shyǵardy, dep habarlaidy QazAqparat tilshisi.
«Eir Astana» áýe kompaniiasy óz ushaǵynyń Sheremetevo áýejaiyna apattyq jaǵdaida qonǵany týraly qazaqstandyq jáne reseilik BAQ-ta taraǵan aqparattyń shyndyqqa sai kelmeitinin málimdeidi. 16 mamyr kúni Nur-Sultan - Máskeý baǵyty boiynsha KS873 reisimen ushyp shyǵýy tiis ushaq 40 minýtqa keshikti. Oǵan «keiinge qaldyrýǵa bolatyn jaramdy defekt» sebep bolǵan. Degenmen, ol aqaý ushaqty odan ári eksplýatatsiialaýǵa múmkindik bererlik deńgeide shaǵyn bolǵan», - dep málim etti «Eir Astana» baspasóz qyzmetinen.
Habarlanyp otyrǵandai, ekipaj komandiri Sheremetevo áýejaiyna qonbas buryn shekteýlerdi esepke ala otyryp, toqtaý úshin uzaq jolaqtyń qajet bolýyna bailanysty áýejaidyń ushyp-qoný jolaǵyn tolyq berýdi suraǵan.
«Áýe kemesiniń komandiri eshqandai apattyq qoný jaǵdaiy týraly habarlaǵan joq. Qoný shtattyq rejimde júrgizilip, jolaýshylar terminaldyń «jeńi» (teletrap - avt) arqyly shyqty. Keiinge qaldyrýǵa bolatyn jaramdy defekt - áýe kemesiniń identifikatsiialyq aqaýy. Oǵan Minimaldy qurylǵy tiziminiń (MEL) nemese Konfigýratsiianyń aýytqýshylyq tiziminiń shegindegi aqaý retinde baǵa berildi. Aqaý kórsetilgen shek deńgeiinde qalpyna keltirildi», - delingen habarlamada.
Eske sala ketsek, búgin BAQ-tarda «Air Astana» ushaǵy qozǵaltqyshyndaǵy aqaýyna bailanysty Resei áýejaiyna qonǵany týraly habarlandy. TASS agenttiginiń jazýynsha, A320 ushaǵy jedel qonýǵa májbúr bolǵan
