«ەير استانا» ەۋە كومپانيياسى ٶز ۇشاعىنىڭ مەسكەۋدەگٸ شەرەمەتەۆو ەۋەجايىنا اپاتتىق جاعدايدا قونعانى تۋرالى اقپاراتتى جوققا شىعاردى, دەپ حابارلايدى قازاقپارات تٸلشٸسٸ.
«ەير استانا» ەۋە كومپانيياسى ٶز ۇشاعىنىڭ شەرەمەتەۆو ەۋەجايىنا اپاتتىق جاعدايدا قونعانى تۋرالى قازاقستاندىق جەنە رەسەيلٸك باق-تا تاراعان اقپاراتتىڭ شىندىققا ساي كەلمەيتٸنٸن مەلٸمدەيدٸ. 16 مامىر كٷنٸ نۇر-سۇلتان - مەسكەۋ باعىتى بويىنشا كس873 رەيسٸمەن ۇشىپ شىعۋى تيٸس ۇشاق 40 مينۋتقا كەشٸكتٸ. وعان «كەيٸنگە قالدىرۋعا بولاتىن جارامدى دەفەكت» سەبەپ بولعان. دەگەنمەن, ول اقاۋ ۇشاقتى ودان ەرٸ ەكسپلۋاتاتسييالاۋعا مٷمكٸندٸك بەرەرلٸك دەڭگەيدە شاعىن بولعان», - دەپ مەلٸم ەتتٸ «ەير استانا» باسپاسٶز قىزمەتٸنەن.
حابارلانىپ وتىرعانداي, ەكيپاج كومانديرٸ شەرەمەتەۆو ەۋەجايىنا قونباس بۇرىن شەكتەۋلەردٸ ەسەپكە الا وتىرىپ, توقتاۋ ٷشٸن ۇزاق جولاقتىڭ قاجەت بولۋىنا بايلانىستى ەۋەجايدىڭ ۇشىپ-قونۋ جولاعىن تولىق بەرۋدٸ سۇراعان.
«ەۋە كەمەسٸنٸڭ كومانديرٸ ەشقانداي اپاتتىق قونۋ جاعدايى تۋرالى حابارلاعان جوق. قونۋ شتاتتىق رەجٸمدە جٷرگٸزٸلٸپ, جولاۋشىلار تەرمينالدىڭ «جەڭٸ» (تەلەتراپ - اۆت) ارقىلى شىقتى. كەيٸنگە قالدىرۋعا بولاتىن جارامدى دەفەكت - ەۋە كەمەسٸنٸڭ يدەنتيفيكاتسييالىق اقاۋى. وعان مينيمالدى قۇرىلعى تٸزٸمٸنٸڭ (MEL) نەمەسە كونفيگۋراتسييانىڭ اۋىتقۋشىلىق تٸزٸمٸنٸڭ شەگٸندەگٸ اقاۋ رەتٸندە باعا بەرٸلدٸ. اقاۋ كٶرسەتٸلگەن شەك دەڭگەيٸندە قالپىنا كەلتٸرٸلدٸ», - دەلٸنگەن حابارلامادا.
ەسكە سالا كەتسەك, بٷگٸن باق-تاردا «Air Astana» ۇشاعى قوزعالتقىشىنداعى اقاۋىنا بايلانىستى رەسەي ەۋەجايىنا قونعانى تۋرالى حابارلاندى. تاسس اگەنتتٸگٸنٸڭ جازۋىنشا, A320 ۇشاعى جەدەل قونۋعا مەجبٷر بولعان
