Úsh jyldan keiin "Eir Astana" kompaniiasy Qazaqstannan Qytaiǵa ushatyn reisterdiń sanyn kóbeitýdi josparlap otyr jáne baǵdar jelisine QHR-nyń taǵy tórt qalasyn qosady dep málimdedi "Eir Astana" AQ prezidenti Piter Foster Astanadaǵy Qazaqstan-Qytai týristik forýmynda. Bul týraly premer-ministrdiń saity habarlady.
Áýe kompaniiasy basshysynyń málimetinshe, 2015 jyly Qytaidyń 120 million azamaty shetelge shyqqan. Ortasha eseppen alǵanda, óz elinde qytailyq bir kúnde 300 dollar jumsaidy eken. Osylaisha, 2015 jyly qytailyq týrister 36 mlrd dollar jumsaǵan.
"Osy jyly biz "Eir Astana" áýe kompaniiasy 200 myń qytailyq týristi tasymaldaýdy josparlap otyr. 3 jyldan soń bul kórsetkish bir millionǵa jetedi degen úmittemin. Bizdiń oiymyzsha, osy týristerdiń 500 myńy Qazaqstanda aialdaýy múmkin. Iaǵni, olar bizdiń elimizde eki kún bolsa, demek 500 myń qytailyq Qazaqstanda 1 mln tranzittik kúndi ótkizedi degen sóz. Al olardyń bir kúnde 300 dollar jumsaitynyn eskersek, ulttyq ekonomikamyzǵa 300 mln dollar kiris túsýi múmkin. Bul - biletterdi qospaǵanda, qonaq úiler, meiramhanalar, saýda ortalyqtary men týristik uiymdarǵa jumsalǵan qarjy", - dep málimdedi P. Foster.
Ol sondai-aq "Eir Astana" úsh jyldan keiin aptalyq reister sanyn 20-dan 60-qa deiin arttyrýdy josparlap otyr.
"Búginde biz Qytaidyń Pekin jáne Úrimshi qalalaryna ushamyz. Al úsh jyldan soń tórt qalaǵa, iaǵni Sian, Chend, Gýandjoý jáne Shanhai shaharlaryna reis ashýdy josparlap otyrmyz", - dedi P.Foster.
"Sonymen qatar, biz Úkimetten Qytai azamattaryn vizalyq rásimdi jeńildetýdi suradyq. Iaǵni, biz memleketten qytailyq azamattarǵa elimizde 72 saǵat vizasyz júrýdi usyndyq. Muny júzege asyrý qiyndyq týdyrmaidy. Qytai mundai tájiribeni burynnan qoldanyp keledi. Iaǵni, qolynda ushaqqa bileti bar Qytaida aialdaǵan azamattar osy elde vizasyz júre alady. Ushaqtarymyzda qytailyq jolaýshylardyń jaǵdaiyn jasaý úshin barlyǵyn jasaimyz. Bizdiń veb-sait qytai tilinde jumys isteidi. Sonymen qatar, qytai tilin meńgergen bort serikterin iriktep, jumysqa qabyldap jatyrmyz", - deidi "Eir Astana" basshysy.
Ult portaly
