ٷش جىلدان كەيٸن "ەير استانا" كومپانيياسى قازاقستاننان قىتايعا ۇشاتىن رەيستەردٸڭ سانىن كٶبەيتۋدٸ جوسپارلاپ وتىر جەنە باعدار جەلٸسٸنە قحر-نىڭ تاعى تٶرت قالاسىن قوسادى دەپ مەلٸمدەدٸ "ەير استانا" اق پرەزيدەنتٸ پيتەر فوستەر استاناداعى قازاقستان-قىتاي تۋريستٸك فورۋمىندا. بۇل تۋرالى پرەمەر-مينيستردٸڭ سايتى حابارلادى.
ەۋە كومپانيياسى باسشىسىنىڭ مەلٸمەتٸنشە, 2015 جىلى قىتايدىڭ 120 ميلليون ازاماتى شەتەلگە شىققان. ورتاشا ەسەپپەن العاندا, ٶز ەلٸندە قىتايلىق بٸر كٷندە 300 دوللار جۇمسايدى ەكەن. وسىلايشا, 2015 جىلى قىتايلىق تۋريستەر 36 ملرد دوللار جۇمساعان.
"وسى جىلى بٸز "ەير استانا" ەۋە كومپانيياسى 200 مىڭ قىتايلىق تۋريستٸ تاسىمالداۋدى جوسپارلاپ وتىر. 3 جىلدان سوڭ بۇل كٶرسەتكٸش بٸر ميلليونعا جەتەدٸ دەگەن ٷمٸتتەمٸن. بٸزدٸڭ ويىمىزشا, وسى تۋريستەردٸڭ 500 مىڭى قازاقستاندا ايالداۋى مٷمكٸن. ياعني, ولار بٸزدٸڭ ەلٸمٸزدە ەكٸ كٷن بولسا, دەمەك 500 مىڭ قىتايلىق قازاقستاندا 1 ملن ترانزيتتٸك كٷندٸ ٶتكٸزەدٸ دەگەن سٶز. ال ولاردىڭ بٸر كٷندە 300 دوللار جۇمسايتىنىن ەسكەرسەك, ۇلتتىق ەكونوميكامىزعا 300 ملن دوللار كٸرٸس تٷسۋٸ مٷمكٸن. بۇل - بيلەتتەردٸ قوسپاعاندا, قوناق ٷيلەر, مەيرامحانالار, ساۋدا ورتالىقتارى مەن تۋريستٸك ۇيىمدارعا جۇمسالعان قارجى", - دەپ مەلٸمدەدٸ پ. فوستەر.
ول سونداي-اق "ەير استانا" ٷش جىلدان كەيٸن اپتالىق رەيستەر سانىن 20-دان 60-قا دەيٸن ارتتىرۋدى جوسپارلاپ وتىر.
"بٷگٸندە بٸز قىتايدىڭ پەكين جەنە ٷرٸمشٸ قالالارىنا ۇشامىز. ال ٷش جىلدان سوڭ تٶرت قالاعا, ياعني سيان, چەند, گۋاندجوۋ جەنە شانحاي شاھارلارىنا رەيس اشۋدى جوسپارلاپ وتىرمىز", - دەدٸ پ.فوستەر.
"سونىمەن قاتار, بٸز ٷكٸمەتتەن قىتاي ازاماتتارىن ۆيزالىق رەسٸمدٸ جەڭٸلدەتۋدٸ سۇرادىق. ياعني, بٸز مەملەكەتتەن قىتايلىق ازاماتتارعا ەلٸمٸزدە 72 ساعات ۆيزاسىز جٷرۋدٸ ۇسىندىق. مۇنى جٷزەگە اسىرۋ قيىندىق تۋدىرمايدى. قىتاي مۇنداي تەجٸريبەنٸ بۇرىننان قولدانىپ كەلەدٸ. ياعني, قولىندا ۇشاققا بيلەتٸ بار قىتايدا ايالداعان ازاماتتار وسى ەلدە ۆيزاسىز جٷرە الادى. ۇشاقتارىمىزدا قىتايلىق جولاۋشىلاردىڭ جاعدايىن جاساۋ ٷشٸن بارلىعىن جاسايمىز. بٸزدٸڭ ۆەب-سايت قىتاي تٸلٸندە جۇمىس ٸستەيدٸ. سونىمەن قاتار, قىتاي تٸلٸن مەڭگەرگەن بورت سەرٸكتەرٸن ٸرٸكتەپ, جۇمىسقا قابىلداپ جاتىرمىز", - دەيدٸ "ەير استانا" باسشىسى.
ۇلت پورتالى
