QR Premer-ministri Asqar Mamin Birikken Arab Ámirlikterine resmi saparmen baryp, «EXPO 2020 Dubai» dúniejúzilik kórmesinde Qazaqstannyń ulttyq kúni aiasyndaǵy is-sharalarǵa qatysty, dep habarlaidy "Ult aqparat primeminister.kz-ge silteme jasap.
EKSPO-nyń Ál-Ýasl Plaza ortalyq alańynda QR Premer-Ministri Asqar Mamin men toleranttylyq jáne qatar ómir súrý máseleleri jónindegi ministr, «EXPO 2020 Dubai» bas komissary sheih Nahaian bin Mýbarak ál Nahaiannyń qatysýymen Qazaqstan Respýblikasynyń ulttyq týyn kóterý rásimi ótti.
Úkimet basshysy qazaqstandyq saýda-investitsiialyq forýmǵa qatysty, onda 100-ge jýyq adam – QR men BAÁ memlekettik organdarynyń, iskerlik ortalarynyń, ulttyq holdingteri men damý institýttarynyń ókilderi bas qosty.
«Búgingi tańda Qazaqstan men Birikken Arab Ámirlikteri arasyndaǵy qarym-qatynas sapaly jańa deńgeige kóterildi. 1991 jyldan bastap BAÁ QR ekonomikasyna $4 mlrd astam investitsiia saldy. Qazaqstanda BAÁ kapitalynyń qatysýymen 250-den astam kompaniia jumys isteidi. Jahandyq ekonomikada saqtalyp otyrǵan syn-tegeýrinderge qaramastan, elderimizdiń yntymaqtastyǵy nyǵaia túsýde», - dedi Mamin forýmnyń plenarlyq sessiiasynda sóilegen sózinde.
Úkimet basshysy ekijaqty qarym-qatynastaǵy mańyzdy oqiǵa biylǵy qazan aiynda ekonomikanyń basym salalarynda jobalardy damytý boiynsha uzaqmerzimdi strategiialyq seriktestik ornatý týraly úkimetaralyq kelisimge qol qoiý bolǵanyn atap ótti. Qujat Qazaqstan ekonomikasynyń energetikalyq, agroónerkásiptik, kólik-logistikalyq, farmatsevtikalyq jáne qarjy sektorlaryndaǵy jobalardy iske asyrýǵa baǵyttalǵan, investitsiialardyń jalpy kólemi $6 mlrd-tan asady.
Forýmnyń plenarlyq sessiiasynda energetika ministri Maǵzum Myrzaǵaliev, «Samuryq-Qazyna» AQ basqarma tóraǵasy Almasadam Sátqaliev, BAÁ energetika jáne infraqurylym ministri Sýheil ál-Mazrýi, BAÁ memlekettik ministri Ahmed Áli ál-Saieh jáne t. b. sóz sóiledi.
Forým qorytyndysy boiynsha «Samuryq-Qazyna» AQ men Abu Dhabi Developmental Holding Company (ADQ) táýelsiz qory arasynda strategiialyq yntymaqtastyq týraly kelisimge, sondai-aq QR-da jalpy qýattylyǵy 4 GVt bolatyn kún jáne jel elektr stantsiialaryn salý boiynsha investitsiialyq qujattarǵa qol qoiyldy.
Qazirgi ýaqytta ámirlikter kompaniialary Qazaqstanda jalpy quny $3,5 mlrd-tan asatyn 11 iri investitsiialyq jobany iske asyrýǵa qatysyp jatyr.
QR Premer-ministri A. Mamin Dýbai qalasyna sapary aiasynda «QazTrade saýda saiasatyn damytý ortalyǵy» AQ tsifrlyq kórmesimen tanysyp, «EXPO 2020 Dubai» kórmesiniń taqyryptyq pavilondaryn aralady, sondai-aq BAÁ jetekshi kompaniialarynyń basshylyǵymen kelissózder júrgizdi.
Qazaqstannyń ulttyq kúnin merekeleý barysynda EXPO aýmaǵynda dúniejúzilik kórme qonaqtary úshin N. Tilendiev atyndaǵy «Otyrar sazy» akademiialyq folklorlyq-etnografiialyq orkestriniń, opera ánshisi Mariia Mýdriaktyń, «Astana balet» ujymynyń jáne Qazaqstannyń basqa da ártisteriniń qatysýymen kontsert ótti.
