Shymkentte 311 referendým ýchaskesinde jalpyhalyqtyq referendým ótip jatyr.
Baq.kz tilshisiniń jazýynsha, solardyń biri - Ó. Joldasbekov atyndaǵy №9 mektep-litseii ǵimaratynda ornalasqan №95 referendým ýchaskesi. Ýchaske ashylǵaly beri munda exit-poll qyzmetteri daýys berýshiler arasynda saýalnama júrgizip jatyr. «Qoǵamdyq pikir» institýtynyń suhbatshysy Aqmaral Baibosynovanyń aitýynsha, onyń búgingi mindeti – referendým ýchaskesinen shyqqan adamdardan exit poll (ekzit poll) saýalnama alý eken. Iaǵni, referendým ýchaskesinen shyqqan sailaýshylarǵa suraqtar qoiady, olardyń jaýabyn jazyp alady.
Aqmaral Baibosynovanyń sózinshe, sailaýshylardyń jaýaptary qupiia qalady.
Ol interviýer bolý úshin aldyn ala daiyndyqtan ótipti.
"Ekzit-polldan buryn institýtymyz nusqaýlyq ótkizdi. Buǵan qosa jazbasha nusqaýlar berdi. Ár óńirde sýpervaizerimiz, iaǵni jumys isteidi. Qandai da bir suraq týyndai qalsa, sýpervaizerge bailanysamyz", – dedi Aqmaral Baibosynova.
Respondentterdiń jaýaby qatań qupiia ekenin qaitalaǵan ol sailaýshylarǵa tolyq anonimdilikke kepildik beriletinin aitady.
"Respondentterdiń jaýabyn jiyntyq túrde paidalanady. Daýys berýge túrli sanattaǵy adamdar kelip, belsendilik tanytyp jatyr. Jastar da, orta jastaǵylar da, egde býyn da bar. Saýalnamany bir sailaý ýchaskesinde júrgizemin. Birinen ekinshisine aýyspaimyz. Referendým kezinde saýalnama birneshe bólik boiynsha júredi", – dedi ol.
Suhbatshylar respondentterge bir saýal qoiady. Respondentterden: «Siz Konstitýtsiialyq ózgeristerdi qoldadyńyz ba álde qarsy daýys berdińiz be?» dep suraimyz. Qandai jaýap beredi, sony jazyp alamyz. Sailaýshy jaýap berýine de, jaýap bermeýine de bolady. Sondai-aq, respondentterdiń jas shamasyn, jynysy men ultyn da jazyp alamyz, – deidi Aqmaral Baibosynova.
Onyń aitýynsha, bul exit-poll-dy júrgizýge «31-arna» tapsyrys bergen. Saýalnama nátijesi 6 maýsymǵa qaraǵan túni Nur-Sultan ýaqytymen saǵat 00:00-de telearna efirinde jariialanady eken.
Aita keteiik, №95 referendým ýchaskesinde barlyǵy 1836 adam tirkelgen. Muny osy ýchaskelik komissiianyń hatshysy Lázzat Myrzalieva aitty.
"Biz Shymkent qalasy, Ál Farabi aýdany, Qazybek bi kóshesinde ornalasqan referendým ýchaskesimiz. Bizde 1836 adam tirkelgen. Saǵat 13:00-ge deiin 850 adamdai daýys berdi. Halyqtyń qulshynysy jyldan jylǵa jaqsaryp kele jatyr. Kelýshilerdiń qatarynda jastar da, egde kisiler de bar. Kóbi – qyzmetkerler. Jalpy sailaý jaqsy ótip jatyr. Kelýshilerdiń kóńil-kúii jaqsy. Biýlleten alyp, Iá/Joq degen tańdap, daýysyn berip jatyr. Bizdiń ýchaskemizde Táýke han dańǵyly, Adyrbekov, Orynbaev, Qazybek bi, Dýlati kósheleri, Liýksembýrg jáne taǵy basqa oramdardyń bóligi qaraidy", – dedi Lázzat Myrzalieva.
