Naýryz aiynda Sýets kanalynda qairańǵa otyryp qalyp, álemdik saýdaǵa úlken shyǵyn ákelgen «Ever Given» alyp júk tasýshy kemesi onyń iesi úlken somada ótemaqy tólemeiinshe, kanal ákimshiliginiń qolynda qalady, dep habarlaidy BBC News.
Mysyr BAQ-y men álemdik agenttikterdiń jergilikti aqparat kózderine silteme jasap habarlaýynsha, osy eldegi Ismailiia qalasynyń soty «Ever Given» kemesi tiesili japondyq Shoei Kisen kompaniiasy Sýets kanalynyń ákimshiligine 900 mln AQSh dollary kóleminde ótemaqy tólemeiinshe sonda qala beredi.
Sýets kanaly ákimshiliginiń basshysy Ýsma Rabi buǵan deiin jýrnalisterge onyń vedomstvosy japondyq firmadan keltirilgen moraldyq shyǵyndy, sondai-aq arnadaǵy qozǵalys qalpyna keltirilgenshe odan ótý úshin tólenetin aqydan aiyrylǵanyn, sol aqyny jáne «Ever Given-di» qairańnan shyǵarý úshin jumsalǵan qarjyny óndirip alǵysy keletinin málimdegen.
Eske sala ketsek, naýryz aiynyń sońynda Sýets arnasynda iri júk kemesi qairańǵa otyryp qalyp, álemde júktemesi eń kóp sý jolynyń birin bógep tastady.
Bul jaǵdai tipti taýarlardy jetkizý tizbegindegi daǵdarystyń kúsheiý qaýpin týdyrǵan. 29 naýryzda keme qairańnan shyǵaryldy. Sáýirdiń basynda Sýets kanalyndaǵy qozǵalys qalpyna keltirildi.
