ناۋرىز ايىندا سۋەتس كانالىندا قايراڭعا وتىرىپ قالىپ, ەلەمدٸك ساۋداعا ٷلكەن شىعىن ەكەلگەن «Ever Given» الىپ جٷك تاسۋشى كەمەسٸ ونىڭ يەسٸ ٷلكەن سومادا ٶتەماقى تٶلەمەيٸنشە, كانال ەكٸمشٸلٸگٸنٸڭ قولىندا قالادى, دەپ حابارلايدى BBC News.
مىسىر باق-ى مەن ەلەمدٸك اگەنتتٸكتەردٸڭ جەرگٸلٸكتٸ اقپارات كٶزدەرٸنە سٸلتەمە جاساپ حابارلاۋىنشا, وسى ەلدەگٸ يسمايلييا قالاسىنىڭ سوتى «Ever Given» كەمەسٸ تيەسٸلٸ جاپوندىق Shoei Kisen كومپانيياسى سۋەتس كانالىنىڭ ەكٸمشٸلٸگٸنە 900 ملن اقش دوللارى كٶلەمٸندە ٶتەماقى تٶلەمەيٸنشە سوندا قالا بەرەدٸ.
سۋەتس كانالى ەكٸمشٸلٸگٸنٸڭ باسشىسى ۋسما رابي بۇعان دەيٸن جۋرناليستەرگە ونىڭ ۆەدومستۆوسى جاپوندىق فيرمادان كەلتٸرٸلگەن مورالدىق شىعىندى, سونداي-اق ارناداعى قوزعالىس قالپىنا كەلتٸرٸلگەنشە ودان ٶتۋ ٷشٸن تٶلەنەتٸن اقىدان ايىرىلعانىن, سول اقىنى جەنە «Ever Given-دٸ» قايراڭنان شىعارۋ ٷشٸن جۇمسالعان قارجىنى ٶندٸرٸپ العىسى كەلەتٸنٸن مەلٸمدەگەن.
ەسكە سالا كەتسەك, ناۋرىز ايىنىڭ سوڭىندا سۋەتس ارناسىندا ٸرٸ جٷك كەمەسٸ قايراڭعا وتىرىپ قالىپ, ەلەمدە جٷكتەمەسٸ ەڭ كٶپ سۋ جولىنىڭ بٸرٸن بٶگەپ تاستادى.
بۇل جاعداي تٸپتٸ تاۋارلاردى جەتكٸزۋ تٸزبەگٸندەگٸ داعدارىستىڭ كٷشەيۋ قاۋپٸن تۋدىرعان. 29 ناۋرىزدا كەمە قايراڭنان شىعارىلدى. سەۋٸردٸڭ باسىندا سۋەتس كانالىنداعى قوزعالىس قالپىنا كەلتٸرٸلدٸ.
