Eýroparlament depýtaty Terri Mariani Prezident Qasym-Jomart Toqaevtyń Qazaqstan halqyna jasaǵan Joldaýy týraly pikir bildirdi, dep habarlaidy "Ult aqparat".
"Men 1 qyrkúiekte Prezident Qasym-Jomart Toqaevtyń ult jaǵdaiy týraly sóilegen sózin úlken qyzyǵýshylyqpen oqydym.
Onyń asqaq kózqarasy men órshil sózderi elińizdiń bolashaǵy úshin zor úmit kúttiredi. Osyǵan orai, bul mandattyń jańa formatyndaǵy batyl sharamen kezekten tys prezidenttik sailaýdy usynýy - Qazaqstannyń demokratiialyq ómirsheńdiginiń kórinisi ekeni anyq.
Ekonomikalyq erkindikterdi tereńdetý baǵdarlamasy - sizdiń elińizdiń úilesimdi damýy úshin zor múmkindik. Burynǵy kólik ministri - men osy saladaǵy qazaqstandyq tartymdylyqty arttyrýǵa baǵyttalǵan barlyq qadamdardy tek qana qoldai alamyn.
Bir sózben aitqanda, bolashaqqa arnalǵan bul joldaý - Eýroparlamenttegi Qazaqstannyń barlyq dostary úshin úlken qýanysh, men sizdiń elińiz týraly aitý múmkindigi bolǵan saiyn bul týraly aitpai ketpeimin" - dedi Mariani.
