"Vashington post" gazetinde eýropalyq saiasatkerler tobynyń AQSh-tyń jańadan sailanǵan prezidenti Donald Tramptyń atyna jazǵan úndeýi jariialandy. Onda olar Trampty Reseimen jańa "úlken kelisim" jasaýdan saqtandyrady.
Hat avtorlary Resei prezidenti Vladimir Pýtin Amerikanyń odaqtasy emes ári halyqaralyq áriptes retinde senimsiz tulǵa deidi. Olardyń boljamy boiynsha, Amerikanyń Pýtinmen mámilesi beibitshilikke alyp kelmeidi. "Kerisinshe soǵysqa alyp kelýi múmkin, sebebi Pýtin artqa sheginýdi álsizdiktiń belgisi dep sanaidy",- dep atap ótedi saiasatkerler.
Hat avtorlarynyń jazýynsha, Pýtin jaqsy nietti óziniń múmkindigi dep esepteidi ári Pýtin eýropalyqtarǵa qaraǵanda Amerikanyń qundylyqtary men ómir súrý jaǵdaiynyń ózge memleketterden uly bolǵanyn qalamaidy.
Shyǵys jáne Soltústik Eýropanyń 15 saiasi qyzmetkeri Reseidi Ýkrainadaǵy jaǵdaidy turaqsyzdandyrýǵa tyrysyp jatyr jáne Qyrymdy anneksiialaýy álemge qaýip tóndirip tur dep esepteidi. "Biz Reseimen jańa kelisim jasalsa, tarihi jetken jetistikterge qaýip tónedi dep alańdaimyz", – deidi hat avtorlary.
Amerika Reseige salynǵan sanktsiialardy alyp tastasa nemese Ýkrainanyń bólingenin qalaityn bolsa, úlken qatelik bolady dep eskertedi eýropalyq saiasatkerler.
