Foto: ashyq derekkóz
Qazaqstandyq bal endi Eýropa naryǵyna tasymaldanady. Eýropalyq Odaq elimizdi baldy eksporttaýshy memleket retinde bekitti. Jańa reglament EýroOdaqtyń resmi jýrnalynda jariialanǵannan keiin 20 kúnnen soń kúshine enedi, dep habarlaidy Ult.kz.
EýroOdaq bal óndirýden álemde Qytaidan keiingi ekinshi orynda. Degenmen óz turǵyndarynyń balǵa degen suranysyn tek 63 paiyzǵa qamtýǵa qaýqarly. Qalǵanyn shet elden satyp alady. Bizdiń el 2023 jyly 4 myń tonnaǵa jýyq bal óndirip, onyń 228 tonnasyn Qytai, Ózbekstan, Qyrǵyzstan, Birikken Arab Ámirlikteri men Iordaniiaǵa eksporttaǵan. Endi EýroOdaq elderine jetkizedi.
Marǵulan Baimuhan, QR Belgiiadaǵy elshisi, Qazaqstannyń EýroOdaq pen NATO janyndaǵy missiiasynyń basshysy EýroOdaqtyń 450 mln halqy jaqynda qazaqstandyq sapaly, tátti baldyń dámin tatýǵa múmkindik alady deidi.
"Biz otandyq ónimdi Eýropa naryǵyna shyǵarý jumysyn ári qarai jalǵastyramyz. Qazir kezekte aýyl sharýashylyǵy daqyldary men ýyldyryq tur. Sondai aq, et, sút ónimderin, osy jaqta suranysqa ie qazaqtyń jylqy etin Eýropaǵa tasymaldaý boiynsha jumys isteimiz", - deidi ol.
