فوتو: اشىق دەرەككٶز
قازاقستاندىق بال ەندٸ ەۋروپا نارىعىنا تاسىمالدانادى. ەۋروپالىق وداق ەلٸمٸزدٸ بالدى ەكسپورتتاۋشى مەملەكەت رەتٸندە بەكٸتتٸ. جاڭا رەگلامەنت ەۋرووداقتىڭ رەسمي جۋرنالىندا جارييالانعاننان كەيٸن 20 كٷننەن سوڭ كٷشٸنە ەنەدٸ, دەپ حابارلايدى Ult.kz.
ەۋرووداق بال ٶندٸرۋدەن ەلەمدە قىتايدان كەيٸنگٸ ەكٸنشٸ ورىندا. دەگەنمەن ٶز تۇرعىندارىنىڭ بالعا دەگەن سۇرانىسىن تەك 63 پايىزعا قامتۋعا قاۋقارلى. قالعانىن شەت ەلدەن ساتىپ الادى. بٸزدٸڭ ەل 2023 جىلى 4 مىڭ تونناعا جۋىق بال ٶندٸرٸپ, ونىڭ 228 تونناسىن قىتاي, ٶزبەكستان, قىرعىزستان, بٸرٸككەن اراب ەمٸرلٸكتەرٸ مەن يوردانيياعا ەكسپورتتاعان. ەندٸ ەۋرووداق ەلدەرٸنە جەتكٸزەدٸ.
مارعۇلان بايمۇحان, قر بەلگيياداعى ەلشٸسٸ, قازاقستاننىڭ ەۋرووداق پەن ناتو جانىنداعى ميسسيياسىنىڭ باسشىسى ەۋرووداقتىڭ 450 ملن حالقى جاقىندا قازاقستاندىق ساپالى, تەتتٸ بالدىڭ دەمٸن تاتۋعا مٷمكٸندٸك الادى دەيدٸ.
"بٸز وتاندىق ٶنٸمدٸ ەۋروپا نارىعىنا شىعارۋ جۇمىسىن ەرٸ قاراي جالعاستىرامىز. قازٸر كەزەكتە اۋىل شارۋاشىلىعى داقىلدارى مەن ۋىلدىرىق تۇر. سونداي اق, ەت, سٷت ٶنٸمدەرٸن, وسى جاقتا سۇرانىسقا يە قازاقتىڭ جىلقى ەتٸن ەۋروپاعا تاسىمالداۋ بويىنشا جۇمىس ٸستەيمٸز", - دەيدٸ ول.
