Eýropalyq komissiia qazaqstandyq áýe kompaniialardy Eýropalyq odaqqa ushýǵa tyiym salynǵan áýe tasymaldaýshylar tizimine engizýge negiz joq degen sheshim qabyldady, dep habarlaidy Azamattyq aviatsiia komitetiniń baspasóz qyzmeti.
Bek Eir áýe kompaniiasynyń ushaǵy apatqa ushyraǵannan keiin Eýropalyq komissiia Qazaqstan Respýblikasynyń aviatsiialyq biliginiń eldegi ushý qaýipsizdigin tiimdi baqylaý men qadaǵalaýdy qamtamasyz etý qabiletine alańdaýshylyq bildirgen bolatyn.
Maýsym aiynda Eýropalyq komissiia Eýropalyq odaq elderine ushýǵa tyiym salynǵan áýe kompaniialardyń jańartylǵan tizimin jariialady. Buǵan deiin Briýssel qalasynda (Belgiia) Eýropalyq komissiianyń Ushý qaýipsizdigi jónindegi komitetin Eýropaǵa ushýǵa tyiym salynǵan áýe tasymaldaýshylar tizimin jańartý máselesi boiynsha tyńdaý ótti, onyń barysynda qazaqstandyq áýe kompaniialary máselesi qaraldy.
2020 jylǵy 14 aqpanda Eýropalyq komissiia eldiń aviatsiialyq bilikteriniń uiymdyq qurylymyn ózgertý boiynsha júrgizilip jatqan jumys týraly, sońǵy úsh jyldaǵy sala sýbektilerine júrgizilgen baqylaý-qadaǵalaý qyzmetiniń nátijeleri týraly jáne negizgi jolaýshylar áýe tasymaldaýshylarynyń (Eir Astana, SKAT jáne Bek Eir) ushý qaýipsizdiginiń jaǵdaiy týraly resmi suranys jiberdi.
28 aqpanda Azamattyq aviatsiia komiteti Qazaqstannyń aviatsiialyq ákimshiligimen birlesip, 2019 jyldyń 1 tamyzynan bastap britandyq basqarý modeline jáne aldyńǵy qatarly eýropalyq elderinde negizdelgen azamattyq aviatsiia salasyn retteýdiń jańa tásilin iske qosý týraly aqparatty usyndy.
Salany basqarýdyń jáne ushý qaýipsizdigin qamtamasyz etýdiń osy transformatsiiasy Ult josparynyń 68-qadamynyń aiasynda júzege asyrylýda.
Sonymen qatar, Eýropalyq komissiiaǵa eldegi ushý qaýipsizdiginiń qazirgi jaǵdaiy jáne Bek Eir áýe kompaniiasynyń tekserý nátijeleri týraly aqparat berildi. Keiin, 2020 jylǵy 21 sáýirde Qazaqstannyń aviatsiialyq ákimshiligi Bek Eir áýe kompaniiasynyń paidalanýshy sertifikatyn qaitaryp alǵany týraly jáne Azee Air áýe kompaniiasynyń paidalanýshy sertifikatyn ýaqytsha toqtatý týraly habarlady.
Sonymen qatar, Qazaqstannyń aviatsiialyq ákimshiliginiń bas direktory P.Griffitstiń Eýropalyq komissiia ókilderimen kezdesýi ótti, kóterilgen máselelerdi talqylaýǵa arnalǵan telekonferentsiialar ótkizildi.
Esep qorytyndysy boiynsha Eýropalyq komissiia QR IIDM Azamattyq aviatsiia komitetiniń tóraǵasynyń atyna qabyldanǵan sheshim týraly hat joldady.
Zerttelgen aqparatqa súiene otyryp, Eýropalyq komissiia búgingi tańda qazaqstandyq áýe kompaniialardy Eýropalyq odaqqa ushýǵa tyiym salynǵan áýe tasymaldaýshylar tizimine («qara tizim») engizýge negiz joq dep sheshim qabyldady.
Azamattyq aviatsiia komiteti jáne Qazaqstannyń aviatsiialyq ákimshiligi Eýropalyq komissiiamen jáne Ushý qaýipsizdigi jónindegi eýropalyq agenttikpen (EASA) eldegi ushý qaýipsizdigin baqylaý jáne qadaǵalaý júiesin uiymdastyrýdy eýropalyq standarttaryna keltirý jáne Amerika Qurama Shtattaryna ushýǵa arnalǵan Federaldyq aviatsiia ákimshiliginiń (FAA) 1-sanatyn alý arqyly Qazaqstanda ushý qaýipsizdigin qamtamasyz etý deńgeiin arttyrý úshin birlesken jobany iske asyrýdy josparlap otyr.
Aita ketsek, Eýropalyq komissiia otyrystyń nátijeleri boiynsha Armeniiada sertifikattalǵan barlyq áýe kompaniialardy tizimge engizdi.
Sondai-aq Kongo, Kongo Demokratiialyq Respýblikasy, Qyrǵyzstan, Liviia, Nepal jáne Serra-Leone elderinde sertifikattalǵan áýe tasymaldaýshylardyń tizimi qaita qaralyp, osy elderdiń jańa áýe kompaniialarymen tolyqtyryldy.
Qazirgi ýaqytta, 22 eldiń 96 áýe kompaniiasyna (Aýǵanstan, Angola, Armeniia, Venesýela, Kongo, Kongo Demokratiialyq Respýblikasy, Djibýti, Eritreia, Irak, Iran, Qyrǵyzstan, Moldova, Liviia, Nigeriia, Nepal jáne t.b.) ushýǵa tyiym salynady.
