Qazaqstan Respýblikasy seriktes organ mártebesinde Eýropalyq standarttaý uiymdary: CEN Eýropalyq standarttaý komiteti jáne CENELEC eýropalyq elektrotehnikalyq komiteti Bas Assambleiasynyń 11-shi jalpy sessiiasynyń jumysyna qatysty.
Bul týraly Saýda jáne integratsiia ministrliginiń baspasóz qyzmeti habarlady.
CEN jáne CENELEC-tiń jahandyq mindeti Eýropamen ekonomikalyq yntymaqtastyqqa qyzyǵýshylyq tanytatyn elder arasyndaǵy standarttar men tehnikalyq talaptardy úilestirý esebinen álemdik saýdadaǵy tehnikalyq kedergilerdi azaitý bolyp tabylady.
Uiymdar standarttaý máseleleri boiynsha memleketter arasynda belsendi dialogty qoldaidy jáne Qazaqstannyń osy protseske qatysýy óndiris pen ónerkásip úshin Eýropalyq modeldiń talaptarymen úndesetin standarttardy qabyldaýǵa yqpal etedi.
24 maýsymda CEN jáne CENELEC onlain-otyrysynda Qazaqstan atynan Investitsiialar jáne damý ministrligi Tehnikalyq retteý jáne metrologiia komitetiniń sarapshylary ókildik etti. Dialog alańy boiynsha álemniń túrli elderinen 200-ge jýyq ókil seriktes boldy.
Sessiia barysynda kópshilik daýyspen Brexit yqpalymen jáne EO-nyń basqa elderiniń zańnamalaryndaǵy ózgeristermen bailanysty CEN jáne CENELEC Jarǵylaryna ózgerister qabyldandy.
Taraptar CEN/CENELEC múshesi bir elden bir ǵana ókili bolýy múmkin degen erejeni bekitti. CEN jáne CENELEC-ke kirýdiń qajetti sharty sáikesinshe ISO (Standarttaý jónindegi halyqaralyq uiym) jáne IEC (Elektrlik, elektrondyq jáne sabaqtas tehnologiialar salasyndaǵy standarttaý jónindegi halyqaralyq elektrotehnikalyq komissiia) músheligi bolyp tabylady.
Sondai-aq, CEN/CENELEC qabyldaǵan EN Eýropalyq standarttaý komitetiniń barlyq standarttaryn ulttyq deńgeide múshe elder mindetti túrde beiimdeý máselesi boiynsha konsensýsqa qol jetkizildi.
Sessiiaǵa qatysýshylar saiasat júrgizý jáne CEN jáne CENELEC tehnikalyq keńesteri boiynsha vitse-prezidentterdiń esepterin qabyldady. Osydan keiin CEN jáne CENELEC Strategiiasynyń 2030 jylǵa deiingi bes negizgi basymdyqtaryn talqylaýǵa kóp kóńil bólindi.
Olardyń qatarynda Eýropalyq Odaqtyń jáne EFTA Eýropalyq erkin saýda qaýymdastyǵynyń eýropalyq standarttaý júiesiniń strategiialyq qundylyǵyn moiyndaýy bar. Bul óz kezeginde qurylys, materialdar óndirisi, mashina jasaý jáne kólik siiaqty salalarda saýda men almasýdy jandandyrýǵa aitarlyqtai áser etýi múmkin.
Kelesi basymdyq-CEN/CENELEC sheńberinde tsifrlandyrý boiynsha tiimdi sheshimder, olardyń ózektiligi halyqaralyq almasýdaǵy fizikalyq kedergiler serpini jaǵdaiynda tek arta túsedi.
Kún tártibindegi mańyzdy másele CEN jáne CENELEC qujattaryna suranystyń artýyn qanaǵattandyrý jáne olar týraly múddeli elderdiń kóptegen paidalanýshylarynyń habardarlyǵyn arttyrý boldy.
Qatysýshylar CEN jáne CENELEC júiesiniń eýropalyq standarttaýdaǵy kóshbasshylyǵyn jáne olardyń halyqaralyq deńgeidegi yqpalyn kúsheitýdi rastady, uzaq merzimdi perspektivada atalǵan basymdyqtardyń árqaisysy boiynsha tiimdiliktiń negizgi kórsetkishterin belgileý qajettiligimen kelisti.
Bizdiń el seriktes organ retinde CEN jáne CENELEC-te 2014 jyldyń 1 maýsymynan bastap usynylǵan. Eýropalyq standarttaý týraly EO № 1025/2012 reglamentine sáikes eýropalyq standarttardy ázirleý boiynsha Eýropalyq odaq ýákiletti organdar retinde resmi tanylǵan uiymdarmen seriktestik bizdiń elimiz úshin strategiialyq mańyzdy.
CEN jáne CENELEC «úilestirilgen» dep atalatyn standarttardy qabyldaidy, sonyń ishinde Qazaqstannyń qabyldaýyna járdemdesedi, sonyń arqasynda ónimniń eýropalyq reglamentterge nemese direktivalarǵa mindetti qaýipsizdik talaptarynyń saqtalýyn jáne «sáikestik prezýmptsiiasyn» qamtamasyz etedi. Mundai ónimdi eýropalyq naryqta jáne CEN/CENELEC qatysýshy elderdiń naryqtarynda ótkizý perspektivalary aitarlyqtai keńeiýde.
Qazaqstannyń CEN jáne CENELEC-ke qatysýy eýropalyq standarttardy ulttyq standarttar retinde qabyldaýǵa, CEN jáne CENELEC standarttary men jariialanymdarynyń bazasyna tikelei qol jetkizýge, tehnikalyq organdardyń qyzmetine jáne CEN/CENELEC basqarýshy organdarynyń otyrystaryna baqylaýshy retinde qatysýǵa múmkindik beredi.
Búgingi tańda Qazaqstanda EN negizinde 1161 ulttyq standart qabyldandy, onyń ishinde-qurylys salasyndaǵy eýrokodtar. «Qazaq qurylys jáne sáýlet ǵylymi-zertteý jáne jobalaý institýty» AQ qazaqstandyq sarapshylary CEN 250 «Qurylys eýrokodtary» jáne 340 «Seismikaǵa qarsy qurylǵylar» tehnikalyq komitetiniń jumysyna qatysýda
Budan basqa, CEN jáne CENELEC uqsas standarttardy qabyldaýǵa jáne Keden Odaǵy elderimen, atap aitqanda, qurylys jáne elektr tehnikalyq sektor siiaqty salalarda dialogty damytýǵa kóp járdem kórsetedi.
