Eýropaǵa Siriiadan DAISh lańkesteri sonyń ishinde terrorlyq toptyń basshylary, albaniialyq jihadshy Lavdrim Mýhadjeri (Abý Abdýlla al-Kosova) bosqyn bolyp ótip ketken. Bul týraly RIA Novosti Daily Mail portalyna silteme jasap habarlaidy.
Derekkóz málimetinshe, terroristerdiń kózdegeni Kosovodaǵy birneshe memlekettik mekemeler men serbiialyq shirkeýlerge shabýyl jasaýdy kózdep otyr dep boljanǵan.
2016 jyldyń qarashasynda Kosovo men Albaniiada terrorlyq shabýyl jasaýdy ázirlep, DAISh-pen bailanysta bolǵan 19 adam ustalǵan. Olar 12 qarashada ótken Albaniia - Izrail quramalary arasynda fýtboldan match kezinde lańkestik jasamaqshy bolǵan. Osy istiń barlyǵyn Lavdrim Mýhadjeri basqaryp otyrǵan.
Sonymen qatar, italiialyq arnaiy qyzmetterdiń málimetinshe ,Eýropa men Balqanǵa jihadshylar kóptep kelip jatqan kórinedi. Olardyń birazy arnaiy qyzmetter nazaryna túsip ustasyp jatady, alaida kóbi shekaradan zańsyz ótip ketip jatady.
Bosqyndardyń jeke basyn anyqtaý máselesi óte qiyn, sebebi kóbisi óz elinde jarylystar kezinde qujattaryn joǵaltyp alǵanyn aitady. Bosqyndar arasynda birneshe ret ár túrli kiim kiip, shashyn qysqartyp, kózildirik kiip eki-úsh márte járdemaqy alatyn alaiaqtar kóbeiip ketken.
