Niderlandydaǵy TTF saýda alańynda gaz baǵasy qaita qymbattady. Seisenbi kúni tańerteń bir megavatt-saǵat elektr energiiasynyń quny 291 eýroǵa deiin kóterildi, dep habarlaidy QazAqparat.
Dúisenbi, 22 tamyz kúni TTF habyndaǵy saýda 1 MVt/saǵ úshin 276 eýromen aiaqtalǵan. Bul ótken jumada ornatylǵan bir MVt/saǵ 244,55 eýrony quraǵan aldyńǵy rekordtan 10%-dan astam joǵary.
Búgin tańerteń baǵa 291 eýroǵa deiin kóterilgen. Olai bolǵanymen, jergilikti ýaqyt boiynsha 14:25-te gaz baǵasy 271 eýroǵa deiin tómendedi. Degenmen, mamandar gazdyń qazirgi baǵasy jyldyń osy mezgilinde ádettegiden 15 ese joǵary ekenin atap ótti.
Gaz baǵasy reseilik «Gazprom» kompaniiasynyń 31 tamyzdan bastap «Severnyi potok» gaz qubyrynda úsh kúndik jóndeý jumystaryn júrgizetindigi týraly málimdemesimen bailanysty kóterilgen.
Demalys kúnderi nemis saiasatkerleri gazben qamtamasyz etý jaǵynan qiyndyqtar týyndaitynyn eskertti. Buǵan qatysty alańdaýshylyǵyn Belgiianyń premer-ministri Aleksandr de Kroo da bildirgen. Dúisenbide sóilegen sózinde A.Kroo aldaǵy ailar men qystyń ǵana emes, «aldaǵy bes-on qystyń da qiyn bolatynyn» aitty.
