نيدەرلاندىداعى TTF ساۋدا الاڭىندا گاز باعاسى قايتا قىمباتتادى. سەيسەنبٸ كٷنٸ تاڭەرتەڭ بٸر مەگاۆاتت-ساعات ەلەكتر ەنەرگيياسىنىڭ قۇنى 291 ەۋروعا دەيٸن كٶتەرٸلدٸ, دەپ حابارلايدى قازاقپارات.
دٷيسەنبٸ, 22 تامىز كٷنٸ TTF حابىنداعى ساۋدا 1 مۆت/ساع ٷشٸن 276 ەۋرومەن اياقتالعان. بۇل ٶتكەن جۇمادا ورناتىلعان بٸر مۆت/ساع 244,55 ەۋرونى قۇراعان الدىڭعى رەكوردتان 10%-دان استام جوعارى.
بٷگٸن تاڭەرتەڭ باعا 291 ەۋروعا دەيٸن كٶتەرٸلگەن. ولاي بولعانىمەن, جەرگٸلٸكتٸ ۋاقىت بويىنشا 14:25-تە گاز باعاسى 271 ەۋروعا دەيٸن تٶمەندەدٸ. دەگەنمەن, ماماندار گازدىڭ قازٸرگٸ باعاسى جىلدىڭ وسى مەزگٸلٸندە ەدەتتەگٸدەن 15 ەسە جوعارى ەكەنٸن اتاپ ٶتتٸ.
گاز باعاسى رەسەيلٸك «گازپروم» كومپانيياسىنىڭ 31 تامىزدان باستاپ «سەۆەرنىي پوتوك» گاز قۇبىرىندا ٷش كٷندٸك جٶندەۋ جۇمىستارىن جٷرگٸزەتٸندٸگٸ تۋرالى مەلٸمدەمەسٸمەن بايلانىستى كٶتەرٸلگەن.
دەمالىس كٷندەرٸ نەمٸس ساياساتكەرلەرٸ گازبەن قامتاماسىز ەتۋ جاعىنان قيىندىقتار تۋىندايتىنىن ەسكەرتتٸ. بۇعان قاتىستى الاڭداۋشىلىعىن بەلگييانىڭ پرەمەر-مينيسترٸ الەكساندر دە كروو دا بٸلدٸرگەن. دٷيسەنبٸدە سٶيلەگەن سٶزٸندە ا.كروو الداعى ايلار مەن قىستىڭ عانا ەمەس, «الداعى بەس-ون قىستىڭ دا قيىن بولاتىنىن» ايتتى.
