Ispaniia, Portýgaliia jáne Frantsiiada bolǵan daýyl saldarynan qaza tapqandar sany jeksenbi kúni 9-ǵa jetti, dep habarlaidy, "Ult aqparat" Agence France-Presse-ke silteme jasap.
«Elza» jáne «Faben» daýyldary aǵashtardy tamyrymen julyp, temirjol jáne áýe qatynasyna kedergi keltirdi, elektr jelilerin zaqymdap, aimaqtaǵy 118 myń úidi jaryqsyz qaldyrdy.
Qazirgi ýaqytta Portýgaliiada eki adam, Ispaniiada jeti adam mert boldy.
Ispaniiada qaza tapqan adamdardyń ishinde Ońtústik Koreia azamaty bar, oǵan Madridte ǵimarattan julynyp túsken synyqtar qulaǵan. Sonymen qatar eldiń ońtústigindegi jaǵalaýda vindserfingpen ainalysyp júrgen Niderlandy azamaty sýǵa batyp ketken.
Ispaniiadaǵy apattyń sońǵy qurbany Kataloniialyq balyqshy boldy. Teńiz tolqyny ony jardan aǵyzyp áketken.
Sársenbi kúni bul elderde «Elza» daýyly turyp, senbi kúni ony «Faben» daýyly almastyrdy.
