AQSh Eýropanyń Reseilik gazǵa táýeldiligin joiý úshin Eýropalyq Odaqqa 15 milliard tekshe metr suiytylǵan tabiǵi gaz (STG) jetkizedi. Taraptar tiisti kelisimge qol qoidy, - dep habarlaidy Tengrinews.kz tilshisi Euronews saityna silteme jasap.
"Ózderińiz biletindei, biz reseilik gazǵa táýeldilikti azaitýǵa jáne odan arylýǵa umtylýdamyz. Buǵan birinshi kezekte jańartylatyn energiia kózderine investitsiia salý, sondai-aq qosymsha gaz jetkizý arqyly ǵana qol jetkizýge bolady. Sondyqtan biz eýropalyqtar retinde Reseiden jetkizilimderdi ózimizge senetin jetkizýshilerge aýystyrǵymyz keledi", - dedi Eýropalyq komissiianyń basshysy Ýrsýla fon der Liaien..
"AQSh osy aidyń basynda Eýroodaqtyń reseilik gazǵa táýeldiligin múmkindiginshe tezirek azaitýǵa mindetteme alǵan ambitsiialyq málimdemesin quptady. Búgin biz qaýipsiz, taza energiiaǵa jetý jolyndaǵy ilgerileýimizdi jedeldete otyryp, osy maqsatqa jetý úshin birlesken is-qimyl josparyn kelistik", - dedi AQSh prezidenti Djo Baiden.
