Búgin, 6 mamyrda UEFA Eýropa ligasy finalyna joldama alǵan komandalar anyqtalady, dep habarlaidy "Ult aqparat".
Jartylai finalda «Roma» (Italiia) men «Manchester Iýnaited», «Arsenal» (Angliia) men «Viliarreal» (Ispaniia) kezdesedi.
Alǵashy kezdesýde «Roma» men «Manchester Iýnaited» juby sheberlik baiqasady. Oiyn elorda ýaqytymen 00.50-de bastalyp, «Qazaqstan» telearnasynan tikelei efirde kórsetiledi.
Búgingi oiynda italiialyq klýb sapynda jaraqat alǵan fýtbolshylar joq. Al aǵylshyndyq klýbtan Antoni Marsial, Fil Djons, Markýs Rashford, Erik Beii men Viktor Lindeliof kezdesýdi alańnyń syrtynan tamashalaýǵa májbúr.
Kezdesýde germaniialyq Feliks Brih bas qazy qyzmetin atqarady. Al otandastary - Mark Borsh pen Shtefan Lýpp kómekshilik jasaidy. Qosalqy tóreshi de - sol eldiń ókili Feliks Tsvaier.
Eki komanda arasyndaǵy alǵashqy oiynda «Manchester Iýnaited» 6:2 esebimen basym tústi.
Ekinshi kezdesýde «Arsenal» men «Viliarreal» komandalary jasyl alańǵa shyǵady. Oiyn elorda ýaqytymen 00.50-de bastalyp, «Qazsport» telearnalarynan tikelei efirde kórsetiledi.
Eki komanda quramynda da jaraqat alǵandar bar. Atap aitqanda, «Arsenal» sapynan Kiran Tirni pen Aleksandr Liakazett kezdesýden tys qalsa, «Viliarreal» quramynan Ramiro Gerra, Visente Iborra jáne Hýan Foit sondai jaǵdaidy basynan ótkizip otyr.
Kezdesýde sloveniialyq Slavko Vinchich bas qazy bolady. Oǵan Tomaj Klanchnik pen Andraj Kovachich kómekshilik jasaidy. Qosalqy tóreshi de - sol eldiń ókili Matei Iýg.
Eki komanda arasyndaǵy alǵashqy oiynda «Viliarreal» 2:1 esebimen jeńiske jetti.
Final 26 mamyrda Polshanyń Gdansk qalasyndaǵy «Energa Gdansk» stadionynda ótkiziledi.
