ەۋروپا ليگاسى: بٷگٸن فينالعا شىققان كوماندالار انىقتالادى

بٷگٸن, 6 مامىردا UEFA ەۋروپا ليگاسى فينالىنا جولداما العان كوماندالار انىقتالادى, دەپ حابارلايدى "ۇلت اقپارات".

جارتىلاي فينالدا «روما» (يتالييا) مەن «مانچەستەر يۋنايتەد», «ارسەنال» (انگلييا) مەن «ۆيلياررەال» (يسپانييا) كەزدەسەدٸ. 

العاشى كەزدەسۋدە «روما» مەن «مانچەستەر يۋنايتەد» جۇبى شەبەرلٸك بايقاسادى. ويىن ەلوردا ۋاقىتىمەن 00.50-دە باستالىپ, «Qazaqstan» تەلەارناسىنان تٸكەلەي ەفيردە كٶرسەتٸلەدٸ. 

بٷگٸنگٸ ويىندا يتالييالىق كلۋب ساپىندا جاراقات العان فۋتبولشىلار جوق. ال اعىلشىندىق كلۋبتان انتوني مارسيال, فيل دجونس, ماركۋس راشفورد, ەريك بەيي مەن ۆيكتور ليندەليوف كەزدەسۋدٸ الاڭنىڭ سىرتىنان تاماشالاۋعا مەجبٷر. 

كەزدەسۋدە گەرمانييالىق فەليكس بريح باس قازى قىزمەتٸن اتقارادى. ال وتانداستارى - مارك بورش پەن شتەفان لۋپپ كٶمەكشٸلٸك جاسايدى. قوسالقى تٶرەشٸ دە - سول ەلدٸڭ ٶكٸلٸ فەليكس تسۆايەر. 

ەكٸ كوماندا اراسىنداعى العاشقى ويىندا «مانچەستەر يۋنايتەد» 6:2 ەسەبٸمەن باسىم تٷستٸ. 

ەكٸنشٸ كەزدەسۋدە «ارسەنال» مەن «ۆيلياررەال» كوماندالارى جاسىل الاڭعا شىعادى. ويىن ەلوردا ۋاقىتىمەن 00.50-دە باستالىپ, «Qazsport» تەلەارنالارىنان تٸكەلەي ەفيردە كٶرسەتٸلەدٸ. 

ەكٸ كوماندا قۇرامىندا دا جاراقات العاندار بار. اتاپ ايتقاندا, «ارسەنال» ساپىنان كيران تيرني پەن الەكساندر لياكازەتت كەزدەسۋدەن تىس قالسا, «ۆيلياررەال» قۇرامىنان راميرو گەررا, ۆيسەنتە يبوررا جەنە حۋان فويت سونداي جاعدايدى باسىنان ٶتكٸزٸپ وتىر. 

كەزدەسۋدە سلوۆەنييالىق سلاۆكو ۆينچيچ باس قازى بولادى. وعان توماج كلانچنيك پەن اندراج كوۆاچيچ كٶمەكشٸلٸك جاسايدى. قوسالقى تٶرەشٸ دە - سول ەلدٸڭ ٶكٸلٸ ماتەي يۋگ. 

ەكٸ كوماندا اراسىنداعى العاشقى ويىندا «ۆيلياررەال» 2:1 ەسەبٸمەن جەڭٸسكە جەتتٸ. 

فينال 26 مامىردا پولشانىڭ گدانسك قالاسىنداعى «ەنەرگا گدانسك» ستاديونىندا ٶتكٸزٸلەدٸ.