GFR SIM basshysy Zigmar Gabriel partiialasy, Germaniia sotsial-demokratiialyq partiiasynyń (GSDP) tóraǵasy Martin Shýltstyń 2025 jylǵa qarai Eýropa Qurama Shtattaryn qurý ideiasyn qoldady, dep habarlaidy TASS.
Ministrdiń aitýynsha, saiasatkerler Eýroodaqty damytý jónindegi naqty bastamalardyń joqtyǵynan jii synǵa ushyraidy. «Martin Shýlts bolashaqta Eýropa qalai damýy tiis ekendigi jóninde ideia usynyp edi, jurtshylyq oǵan tarpa bas saldy», - dedi ministr jeksenbide ARD telearnasyna bergen suhbatynda. Gabrieldiń pikirinshe, Shýltstyń usynysy Eýroodaqty «azamattar múddeleriniń ókiline» ainaldyrýǵa baǵyttalǵan. «Bul shynynda da qajet», - dep atap ótti Germaniia syrtqy saiasi vedomstvosynyń basshysy.
«Bul ideia, bálkim, meniń nemerelerimniń dáýirinde iske asatyn shyǵar», - deidi osy máselege pikirin bildirgen GFR qorǵanys ministri Ýrsýla fon der Liaien ZDF telearnasyna bergen suhbatynda.
Beisenbi kúni Shýlts «Federativtik Eýropany qurýdy qamtamasyz etetin» konstitýtsiialyq kelisimniń qajettigin aitqan bolatyn. Ol bul rette «Eýropanyń kóptegen máselelerdi sheshýge qabiletsiz ekendigin» alǵa tartty.
